Xolistik yem növləri nədir?

Son illərdə zoomağazaların rəflərində tez-tez ev heyvanları üçün olan xolistik yemlər növlərinə rast gəlinir. Bu yemlərin sirri nədədir? Вizim məqalədə, xarici heyvan sevərlərin hansı səbəbdən heyvanlarını məhz pişik üçün xolistik yemlər və it üçün xolistik yemlər sinifinə keçirməklərinə baxılacaqdır.

İlk öncə, bu rasionun konseptini anlamaq üçün qeyd etməliyik ki, “holistic” sözü tərcümədə “bütöv”, “hərtərəfli” deməkdir. Yəni ev heyvanlarınız üçün olan xolistik yemlər yalnız keyfiyyətli məhsullar toplaması deyil, bu, bir birini tamamlayan və gücləndirən komponentlər kompleksidir. Sözügedən yemlər demək olar ki, yemlər biznesində təqdim olunan “lyuks” məhsullardır .

Xolistik yem nə ilə fərqlənir?

Bu rasionun fərqləndirici xüsusiyyətlərinə bunlar aid edilir:

Tərkibdə seçmə ətin yüksək miqdarı. Ət məhsulun payı 80%-dək çata bilər. Söhbət əlavə məhsullar (qığırdaqlar, dəri və s.) və ət sənayəsinin tullantılarından getmir. Bu yemlərdə heyvanınızın və onun gələcək nəslinin yetişdirilməsi və inkişafı üçün yüksək keyfiyyətli protein mənbələri istifadə edilir.
Təbiilik. Xolistik yemlər konsepsiyası it və pişiklərinizi təbii bəslənməyə yaxınlaşdırır, hansı ki, tərkibdə konservantlar, duzlar və gücləndiricilərin olmasını nəzərdə tutmur. Görə bilərsiz ki, bu yemlərin təbii olduğundan onların saxlanma müddəti də analoqlarına nisbətən 2 dəfəyədək qısadır.
Doyumluq. Nəzərə almalısınız ki, pişik və it üçün xolistik yemlər tam balanslaşdırılmış tərkibinə görə daha doyumlu və bəsləyici hesab edilirlər. Bu yemin balaca porsiyası onun daha ucuz analoqlarından daha doyumlu olacaqdır.
Ehtiyyatlı emal. Yem inqrediyentləri, ordaki vitamin,minerallar və digər faydalı maddələrinin saxlanılması məqsədilə, daha yumşaq şəkildə emal olunur.

Xolistik sinifli yem növlərinin hansı mənfi cəhətləri var?

Təəsüf ki, xolistik yemlər yüksək qiymətlərilə əlaqədar bütün satış şəbəkələrində təqdim olunmur. Lakin bu yemin nisbətən yüksək qiyməti, daha qənaətli istifadəsi və doyumlu olması səbəbindən özünü doğruldur. Xolistik rasionlar daha çox xüsusi zoomağazalarda yer almışdır və ildən ilə onlara olan tələbat da artır.

Xolistik yemlərin tərkibi və faydaları

Xolistik yemin adi yemdən fərqi nədədir?

Öncədən qeyd etdiyimiz kimi, xolistik yemlər diqər sinif yemlərdən fərqli olaraq tərkibində dana, quzu, dovşan, hind toyuğu, yağlı balıq növləri (yağ turşuları ilə zəngin olan), bəzən də şikar (qaban, maral, bildirçin və s.) olaraq yüksək formada həzm olunan zülallar ehtiva edir. Həmçinin bu rasionun tərkibinə dehidrasiya olunmuş ət əlavə oluna bilər, yəni qida maddələri saxlanılmış qurudulmuş ət.

Xolistik yemlərin hipoallergik tərkibi

Bildiyiniz kimi, toyuq əti kifayət qədər allergik məhsuldur. Bu səbəbdən, xolistik yemlər istehsalçıları öz məhsularında toyuq ətini istifadə etməkdən çəkinirlər. İstehsalçılar, xolistik yem tərkibinin hipoallergikliyinin təmin olunması üçün onun tərkibinə qlüten tərkibli taxıl növlərini (buğda, qarğıdalı/mais) əlavə etmirlər. Bu taxıllar ucuz başa gəlir və doyumluq illüziyasını yaratmaqlarına baxmayaraq, vitamin və minerallar cəhətdən kasıbdırlar. Onların əvəzinə tərkibə faydalı mikroelementlər deposu olan batat (şirin kartof) və paxlalılar fəsiləsindən olan qırmızı lobya, noxud və digərləri istifadə edilir. Miflərə rəğmən it və pişiklərinizdə köpmə problemi yaranmayacaq. O səbəbdən ki, bişmiş taxıllar xoşagəlməz hisslər yaşatmayacaq. Həmçinin karbohidratlar və liflər mənbəyi olaraq vitaminlər və antioksidantlarla zəngin olan müxtəlif tərəvəzlər, qiləmeyvələr, toxumlar və otlar istifadə edilir. Xolistik yemlər tərkibindəki yağları yüksək keyfiyyətli yağlar, EPA və DHA Omega turşuları ilən zəngin olan okeanik və dəniz balıqlarının yağlı növləri (qızılbalıq, siyənək və s.) təmin edirlər.

Nəticələr

Xolistik rasionu kosmonavtların yeməyi ilə müqayisə etmək olar, hansı ki, ən güclü mütəxəssislərin nəzarəti ilə hazırlanır, maksimum balanslaşdırılır və lazımi günlük makro və mikro elementləri 1 porsiyaya sığışdırılır. Siz artıq əlavə vitamin kompleksləri və bioloji aktiv maddələrinə pul xərcləməyəcəksiniz. Ev heyvanlarınızı xolistik yem sinifinə keçirərək siz onun gələcəyinə investisiya edirsiniz, çünki xroniki və digər xəstəliklərin inkişaf riskinini minimuma endirirsiniz. Bununla belə ev heyvanlarınızın keyfiyyətli yaşayış səviyyəsini təmin edəcəksiniz.

Xolistik yemlər nədir?