İtlər üçün müalicəvi yemlər

İt üçün müalicəvi yem satışı 

   İtlər müəyyən həyat dövrlərində rasionun dəyişməsinə ehtiyac duyurlar. Bu rasionlara it yemləri kateqoriyasının itlər üçün baytarlıq pəhrizi yemləri də aid edilir. Nəyə görə məhz “baytarlıq” adını daşıyırlar? O səbəbdən ki, bu yemlər itlərdə yeni yaranmış və ya mövcud xroniki xəstəliklərin müalicəsinin ayrılmaz hissəsidir.

İt üçün müalicəvi yemlər öz təyinatı üzrə aşağıdakı növlərdə təklif olunur.

İt üçün müalicəvi yemlərin çeşidi

 Mədə-bağırsaq sistemində problemi olan itlər üçün baytarlıq pəhrizi yemləri

 Bu it üçün müalicəvi yemlər həssas həzm və qəbizlik, ishal və köp kimi problemlərə meylli heyvana uyğun olacaqdır. Bu yem daha asan həzm olunan və mədə-bağırsağa əlavə yük törətməyən inqrediyentlər ehtiva edir. Tərkibə əlavə olaraq mədə-bağırsaq sistemini faydalı mikroblarla məskunlaşdıran prebiotiklər də daxildir.

Allergiya problemi olan itlər üçün baytarlıq pəhrizi yemləri

 Bu it üçün baytarlıq yemləri allergiyası olan itlər üçün daha uyğundur. Allergiya adədət qida məhsullarına qarşı yaranır. Dəri üzərində yaralar və qızartı, qaşıntı - bunların hamısı allergiya əlamətləridir. Məsələn, hansısa ət növü itinizə uyğun olmaya bilər. Bu yemlər tam həzmə gedir və xüsusi zülallar ehtiva edir.

 Sidik-ifrazat və ya böyrək problemi olan itlər üçün baytarlıq pəhrizi yemləri

Sözügedən rasion daha az həcmdə zülallar və maqniy, kalsiy və fosfor kimi minerallar ehtiva edir. O səbəbdən ki, bu maddələr daşların yaranmasında iştirak edirlər. Bu yemin tərkibi daşların yaranmasında rolu olan sidik və ionların konsentrasiyasının endirilməsinə yönəldilir. Yem əlavə olaraq antioksidant kompleksi ilə zənginləşdirilir.

Qaraciyər problemi olan itlər üçün baytarlıq pəhrizi yemləri

Qeyd olunan it üçün müalicəvi yemlər zülal həcminin səviyyəsinin azaldılmasını və onları daha asan həzm olunan L.İ.P zülallarla əvəz olunmasını tələb edir. Səbəb isə odur ki, artıq zülallar qaraciyər sisteminə mənfi təsir göstərir. Həmçinin rasionda mis səviyyəsi də tənzimlənməlidir. Yemin porsiyasını azaltmaq məqsədilə yemin kalori həcmi artırılmalıdır.

Bərpa dövründə olan itlər üçün baytarlıq pəhrizi yemləri

Bu yem cərrahi müdaxilələr sonrası, güclü stresslər və fiziki tükənmə zamanı itin bərpasına yönəldirilir. Bu yüksək enerjili və bəsləyici it üçün baytarlıq yemləri tərkiblərində daha çox zülallar və faydalı yağ turşuları ehtiva edirlər.

Diabet və artıq çəki problemi olan itlər üçün baytarlıq pəhrizi yemləri

Bu yem növləri az həcmdə, lakin daha faydalı yağ mənbələrini ehtiva edirlər. Həmçinin bu yem faydalı liflərlə zənginləşdirilir, hansı ki, yem qəbulundan sonra ani şəkər səviyyəsinin qalxmasına imkan vermir. Bundan əlavə, liflər heyvanın daha tez doymasını təmin edir. Bu isə piylənməyə meylli olan müəyyən cins itləri (taksa, biql və s.) artıq çəkinin yığılmasından qoruyur.

Dəri və tük problemi olan itlər üçün müalicəvi yemlər

Allergiya, tülləmə, dəri xəstəlikləri, faydalı maddələrinin çatışmazlığı bir sira dəri və tük problemlərilə nəticələnə bilər: tük tökülmə (alopesiya), dəridə qızartı və yaralar və s. Bu halda A və E vitaminləri, Omega yağları və dərinin sağalmasını təmin edən digər faydalı komponentlərlə zənginləşdirilmiş it üçün müalicəvi yemlər köməyinizə çatacaqdır.

Oynaq və sümük problemləri olan itlər üçün müalicəvi yemlər

Bu yemlərə ehtiyac aşağıdakı heyvan qruplarında yarana bilər:

-          Skeletin inkişafı zamanı bala itlərdə

-          Travmalar alan itlərdə

-          Faydalı maddələrinin ifrazı azalmış qocalmış itlərdə

-          Artıq çəkiləri nəticəsində oynaqlarına yük düşmüş itlərdə

Qeyd olunan it üçün baytarlıq yemləri ən yüksək keyfiyyətli zülallar, doyumlu liflər, mineral maddələr, A və D vitaminləri, xondroitin (qığırdağı bərpa edən), qlukozamin (oynaq üçün sürtkünün yaranması üçün), EPA və DHA yağ turşularını ehtiva edir.

Ürək problemləri olan itlər üçün baytarlıq pəhrizi yemləri

Adətən ürək problemləri olan itlər iştah və çəki azalmasından əziyyət çəkirlər. Məhz bu səbəbdən bu rasion daha yüksək kalorilidir. Həmçinin onun tərkibinə daha çox zülallar, qan dövranını yaxşıllaşdıran antioksidantlar,L karnitin və taurin, kaliy və natrinin tənzimlənmiş həcmi əlavə edilir.

Diqqət! Heyvanınızı pəhriz rasionuna yalnız həkimin göstərişi ilə keçirə bilərsiniz.

Baytar həkimi dəqiq  müalicə müddətini, porsiya normasını, yemlənmə tezliyini itinizin özəlliklərinə uyğun olaraq təyin edəcəkdir. Müalicə müddəti xəstəliyin gedişatından və növündən asılıdır. Bəzi hallarda it ömürlük pəhriz yemini qəbul olmuş olur (məsələn, diabet zamanı). Bu rasionları yalnız premial və daha yüksək sinifli brendlər istehsal edir.

İtlər üçün müalicəvi yemlərin qiyməti və çatdırılması

Ən yaxşı istehsalçıların baytarlıq yemləri və digər it üçün məhsullar ilə tanış olmaq üçün onlayn zoomağaza Biopet Shop saytını izləyin. Təqdim etdiyimiz məhsulların keyfiyyəti və qiymətləri sizi biganə qoymacaqdır.