Orijen it və pişik yemləri

Orijen—«Champion petfoods» şirkətinin ticarət nişanı olan ev heyvanları üçün kanadalı yem brendidir. Orijen hazırda it və pişiklər üçün yemlər sahəsində ən çox mükafatlara sahib olan brenddir. Məsələn, bu rasionlar 2012 və 2013-cü illərdə «Spot magazine» jurnalının «Top Dog» mükafatına layiq görülmüşdür. Bu xolistik yem istehsalçısı ev heyvanlarının rasionlarının təşkilində tam novator yanaşması ilə öz hörmət və etibarını qazanmışdır. Brend, ev heyvanlarınızın qidalanma qaynaqlarına üz tutmağı təklif edir. Digər sözlə, it və pişiklərin əcdadlarının vəhşi təbiətdəki rasionlardan ilhamlamağı təbliğ edir. Hətta Orijen brendinin adı belə “qaynaq” kimi tərcümə olunur. Ev heyvanlarınızın qidalanmasına bu formada yanaşma “it və pişiklər üçün bioloji uyğun yemlər” konseptinə əsas qoymuşdu.

Orijen it və pişik yemləri brendi «Nourish as nature intended»,  tərcümədə isə “Təbiətin qanunlarına əsasən bəslə” əsas şüarına təqib edir.

Orijen yemlərin üstünlükləri

Sağlam və xolistik Orijen yemləri heyvansevərlər tərəfindən çox sevilir. Brend öz populyarlığını bir sıra danmaz üstünlüklər sayəsində qazanıb:

• Alıcılarla münasibətdə açıqlıq siyasətinin aparması.

Orijen yemləri çox informativ qablaşdırmaya sahibdir, hansı ki, alıcılara yemin tərkibi barədə tam məlumat verir. Bu yemin qablaşdırmasını ənənəvi istehsalçıların qablaşdırması ilə müqayisə etsəniz, fərqi dərhal görəcəksiniz. Brend tədarükçülərin seçiminə çox həssas yanaşır. Bu rasion markası mütəmadi olaraq kiçik təsərrüfat biznesinin nümayəndələri olan adı insanlar barədə məlumatlar da bölüşür. Onların təqdim etdiyi məhsullar (xammal) ciddi seçim mərhələlərindən keçirilir. Yalnız etibarlı fermerlər əməkdaşlığa cəlb olunurlar. Bu faktor hazır Orijen yemin yüksək keyfiyyətini təmin edir.

• Yemin TOP 5 inqrediyentləri ət mənşəlidir.

Orijen sağlam yem növləri 90%-dək ət inqrediyentlərini ehtiva edir.  Bu inanılmaz göstərici hətta super-premium yem brendləri üçün də əlçatmazdır.

• Yem tərkibinin 2/3 hissəsi təzə və çiy inqrediyentləri təşkil edir.

Orijen yemləri fermer təsərrüfatının xammalı əsasında hazırlanır. Bu xammal təzə və çiy formada istehsala çatdırılır. Bununla belə xammalın dərin emalına ehtiyac duyulmur. Bu prinsip yemin tərkibində olan bütün faydalı maddələrinin qorunmasında kömək edir.

• Dənsiz formulu.

Brendin it və pişik yeməklərində buğda və ya çətin həzm olunan və piylənməyə səbəb olan digər dənli bitkilərə rast gəlmiyəcəksiniz. Sağlam Orijen rasionları mürəkkəb karbohidratlara aid olan təzə meyvə və tərəvəzlər, giləmeyvələr və müalicəvi bitkilərdən ibarətdir.

• İnqrediyentlərin (xammalın) təbii və ekoloji olması.  

Orijen ev heyvanları yemlərinin qablaşdırması Kanadanın inanılmaz gözəlliklərini təsvir edir. Kanadanın təbii şəraitləri heyvanların yetişdirilməsinə və ekoloji təmiz məhsulların becərməsinə yol açır. Bu rasionlarda süni konservantlardan, qadlandırıcılardan və aromatizatorlardan istifadə olunmur. Ət məhsulları antibiotiklər və hormonlar istifadə etmədən yetişdirilir.

Orijen yemin tərkibi və klassı (keyfiyyət sinifi)

Orijen yemləri adətən ən yüksək keyfiyyətli xolistik rasionlar kimi təqdim olunur. Brend isə özünü yırtıcıların bioloji uyğun novator yemlər istehsalçısı qismində qələmə verir. Yemin bioloji uyğunluğu əsas 5 prinsipə əsaslanır:  

1. Yemlərin geniş çeşidinin və tərkibdə böyük miqdarda ətin olması.
2. Heyvan mənşəli zülalların ehtiva etməsi.
3. Tərkibdə təzə ət inqrediyentlərinin yüksək miqdarı.
4.  «Wholepray» prinsipinə əsasən şikarın bədəninin tam olaraq yeyilməsi nəzərdə tutulur.  
5. Təzə giləmeyvələr, tərəvəzlər və meyvələrin müxtəlifliyi.

Bu prinsipləri daha detallı nəzərdən keçirərək, Orijen yeminin tərkibi barədə məlum əldə etmiş olacaqsınız.  

1. Orijen yemində geniş ət çeşidlərinin olması.

Ev heyvanlarınızın vəhşi əcdadlarının rasionu çox geniş idi (müxtəlif vəhşi quşlar, balıqlar, gəmirçilər, qırmızı ət növləri və s.). Ev heyvanın rasionunu 1-2 ət növü ilə məhdudlaşdırmaq xoşagəlməz fəsadlarla nəticələ bilər. Müxtəlif ətlər fəqrli vitamin-mineral və qidalılıq səviyəsinə malikdir. Bu səbəbdən də müxtəlif ət növlərinin düzgün uyğunluğu heyvanınızın balanslaşdırılmış menusuna zəmanət verir  Orijen it və pişik yemləri sərbəst gəzən çöl quşlarından, yumurtlalarından, mal-qara ətindən (mal əti, quzu və qoyun əti, camış, qaban və s.); təbii qaynaqlardan (göl, çaylar və okean) tutulmuş balıq növlərindən ibarətdir.

2. Orijen yeminin tərkibində yüksək miqdarda ət inqrediyentlərin olması .

Ev heyvanlarınızın əcdadları sərt yırtıcılar idi, xüsusən də pişiklər. Onlar rasionlarında 90%-dək ət miqdarına ehtiyac duyurlar. Ənənəvi istehsalçılar bu yüksək ət tələbatını nadir hallarda təmin edə bilir. Lakin orijen brendi bu yüksək ət miqdarını asanlıqla təmin etmək qabiliyyətindədir. “Yüksək zülallı rasionlar böyrək daşları xəstəliyinə səbəb olur” kimi geniş yayılmış mifə son qoymaq lazımdır.  Vaxtı ilə bu inanc az proteinli və ucuz pişik yemlərinin istehsalçıları tərəfindən geniş yayılmışdır. Reallıqda isə bu xəstəliyin tutulmasına bir sıra faktorlar təkan verir. Risk faktorlarına genetik meyllilik, artıq çəki, su balansının pozulması (xüsusən quru rasionda).

3. Orijen yemlərində yüksək miqdarda təzə (emal edilməmiş) ət ingrediyentlərinin olması.

Təzə ət xammalı hər gün fermerlər tərəfindən təchiz edilir. Onların emalı eyni gündə mülayim texnologiyalar əsasında həyata keçirilir. Bunlara “öz şirəsində” bişirmə, sublimasiya, sobada 100°C aşmayan temperaturda bişirmə üsulları aiddir. Bütün bu tədbirlər xammalın faydalı maddələrinin (vitaminlər, minerallar, yağlar, aminturşuları) maksimal dərəcədə saxlanılmasına yönəldilir.  Təzə ət xammalının mülayim emalı həmçinin Orijen yemlərinə dolğun və cəlbedici bir dad bəxş edir.

4. “Bütöv şikar” konseptinə uyğun olaraq heyvanın bütün hissələrinin istifadə etməsi məqsədəuyğundur.

Azadlıqda yaşayan yırtıcıların rasionun özəlliyi odur ki, onlar şikarı bütöv şəkildə yeyir. Yəni təmiz ətdən əlavə, yırtıcılar dəri, sümükləri qığırdaqları və daxili orqanları istehlak edirlər. Xoşagəlməz səslənsə də, bu təbii haldır. Ana təbiətin yaratdığı hər bir şey dərin məna və məqsəd daşıyır. İri sümüklər kalsium və fosforla zəngindir. Oynaq və qığırdaqlar it və pişiklərin həmin bədən hissələri üçün faydalıdır. Ətin özü isə hər canlının orqanizminin təməlidir. Bununla bütöv yeyilən şikar prinsipi quyruqlu dostunuzu balanslaşdırılmış rasionla və uzun sağlam həyatla təmin edəcək.

5. Orijen məhsulların tərkibində təzə meyvə, tərəvəz, giləmeyvə və digər bitkilərin böyük çeşidi.

Baytarlar, vitamin və minerallar, həmçinin həzm sistemi üçün əvəzəlunmaz olan liflər mənbəyi olaraq aşağı qlikemik indeksə sahib olan və şəkər səviyyəsini qaldırmayan təzə meyvə, tərəvəz və digər bitkilərə üstünlük verməyə tövsiyə edirlər. Dənli bitkilərin istehlak etməsini isə minimuma endirməyi məsləhət görürlər. Ev heyvanlarınızın əcdadları tarixən dənliləri yemirdilər. Ev heyvanlarınızın fermentləri bu qidanı tərkibində olan fitin turşusunu həzm edə bilmir. Fitin turşusu kalsium, fosfor və digər faydalı maddələrin sovrulmasına manə olur və qarın köpü, allergiya, həzm pozulması kimi problemlərə yol açır.  

Orijen heyvan yeminin istehsalçıları yalnız mürəkkəb tipli karbohidratlardan istifadə edirlər. Pişik və itlərinizin əcdadları yalnız ət ilə yox, həmçinin də yetişmiş dadlı meyvələr, giləmeyvələr və digər bitkilərlə qidalanırdılar. Bu karbohidralara Kanadada yetişmiş təbii alma, armud, şalğam, kələm, çuğundur, mərcanı, itburnu, alaqanqal, lavanda və bitraq tipli müalicəvi bitkilərlə təqdim olunur. Təzə meyvə, tərəvəz və bitkilərin əsas faydası onların antioksidant (əsasən E və C vitaminləri) xüsisiyyətlərindədir. Antioksidantlar xərçənq xəstəliyinə tutulma riskini azaldır və yaşlanma prosesini ləngidir. Müalicəvi bitkilər həm də sidik-ifrazat, sinir, immun, ürək-damar sistemlərini dəstəkləyir. Bitkilərdə olan liflər isə mədə-bağırsaq sisteminin düzgün fəaliyyətini təmin edir.  

Orijen yemlərin növləri

Orijen ev heyvanları üçün xolistik yemlər heyvanlarınızın özəlliklərini və xüsusi ehtiyaclarını tam nəzərə alır. Bu məqsədlə baytarlar, nutrisioloqlar və ev heyvanlarının qidalanması üzrə digər mütəxəssislərlə birgə  it və pişikləriniz üçün unikal formullu rasionlar hazırlanmışdı. Orijen brendinə aşağıda qeyd olunan xüsusi formullu rasionlar daxildir:

• Yetkin it və pişikləriniz üçün klassik yem. Bu yemlər, brendin məhsulları ilə heyvanlarınızı ilk olaraq tanış etmək üçün əla seçimdir.
• Müxtəlif balıq növlərinin ehtiva etdikləri omeqa yağları ilə zəngin yemlər. Bu yem dəri və tüklərin gözəlliyi və sağlamlığı üçün əvəzolunmazdır.
• İt və pişiklərinizin ideal çəkisini qoruyan yem. Bu yem daha az yağ və kalori ehtiva edir.
• Rotasiya pəhrizi üçün it və pişik yemləri. Onlar hipoallerqik xüsusiyyətlərə malikdir.
• İtin cins ölçüsünə uyğun yemlər (kiçik və böyük cinsli).
• Müxtəlif yaş dövründə (bala, yetkin və yaşlanan) olan it və pişik üçün yemlər.
• Aktiv it və pişiklər üçün yemlər.

Vacibdir: Orijen yem brendi heyvanınızın yeni yemə keçidini 10-14 gün müddətində və tədrici formada həyata keşirməsini tövsiyə edir. Bu halda həzm problemlərinin riski azalır. Yeni yemə keçid bu sxemlə həyata keçirilir: 25% yeni yem/75% köhnə yem, 50% yeni yem/50% köhnə yem, 75% yeni yem/25% köhnə yem və nəhayət tam 100% tam porsiya.

Orijenin markanın it ya pişik yemlərini seçsəniz, sevimli dostunuza tam balanslı və faydalı rasion bəxş edəcəksiz. Bu rasion onları illər boyu xoşbəxt və sağlam edəcək.

Orijen pişik yemi

Orijen pişik yemi sevimli dostunuzu gündəlik tələb olunan makro və mikromaddələrlə (yağlar, zülallar, vitaminlər və minerallar) təmin edəcək. Bu yemlərin balanslı formulu sayəsində əlavə vitamin-mineral komplekslərinin və qida əlavələrinin qəbuluna ehtiyac olmayacaq. Orijen pişik yemi dostunuzu gündəlik enerji, dadlı rasion və möhkəm sağlamlıq ilə təmin edəcəkdir.

Orijen pişik yemlərinin xəttində klassik növlərindən (bala pişik yemi, yetkin pişik yemi) yanaşı özəl rasion növləri da mövcuddur.  

Orijen Original klassik pişik yemi brendlə ilk tanışlıq rasionu olaraq daha uyğundur.

Orijen 6 Fish yemində zülalların mənbəyi olaraq təbii şəraitdə yetişmiş balıq növləri mövcuddur. Bu səbəbdən qeyd olunan yem allergiya ya həzm pozulmasından əziyyət çəkən pişiklər üçündür. Bu yem, pişiyinizin dəri və tük sağlamlığını və sinir sistemini gücləndirən omeqa turşuları ilə zəngindir.

Unikal Orijen Guardian pişik yemi 8 həyati vacib orqanizm sistemlərini dəstəkləyir. Bu sistemlərə immun, mədə-bağırsaq, dəri və tük, ürək-damar, dayaq-hərəkət, görmə və sinir sistemləri aid olunur.

Orijen Tundra pişik yemi istisna (rotasiyon) pəhrizi üçün əla variantdır. Bu pəhriz allegiyadan və həzm problemlərindən əziyyət çəkən pişiklər üçün uyğundur. Bu tip rasion yüksək həzmli zülal növlərini və allergiya verməyən ət növlərini (ördək, quzu, balıq) ehtiva edir.  

Orijen bala pişik yemi

Orijen bala pişik yemləri həm quru, həm də nəm formada istehsal edilir. Aktiv böyüyən bala pişiyin yemi daha kalorili və doyumlu olmalıdır. Yem bala pişiyinizi onun tam inkişafı və böyüməsi üçün kifayət qədər enerji ilə təmin etməlidir. Orijen bala pişik yemin tərkibində toyuq, 1-ci kateqoriyalı subməhsullar, asan həzm olunan hinduşka, qızılbalıq və siyənək ətindən ibarətdir. Yemin tərkibindəki balıq öz yağ turşuları sayəsində bala pişiyin koqnetiv qabiliyyətlərini (həyat bilgisi, yaddaş, diqqət) inkişaf etdirir. Faydalı yağlar həm də bala pişiyə sağlam və gözəl tüklərlə dəri bəxş edir. Ət inrediyentlərin rekordlu göstəricisi 90% təşkil edir. Bu yüksək zülal miqdarı bala pişiyin skeletinin inkişafı və əzələ kütləsinin çoxalmasında mühüm rol oynayır.

Orijen bala pişik üçün nəm yem 95% ət komponentlərindən ibarət olan paştet formasında konservdir. Tərkibində olan ət, sümük və əzələ sistemlərinin böyüməsi üçün toyuq, beyin inkişafı və tüklə dərinin gözəlliyi üçün qızılbalıq ilə təqdim olunur.  

Orijen qısırlaşdırılmış pişiklər üçün yem

 Orijen yetkin pişiklər üçün yem növlərinin hamısı universaldır və qısırlaşdırılmış pişik üçün də uyğundur. Yetkin pişik yemləri xətti istənilən həyat dönəmində (qısırlaşdırma daxil) olan pişiklər üçün uyğundur. Yemin tərkibində olan 85-90% ət komponentləri, tənzimlənən yağ miqdarı və  dənli bitkilərin olmaması pişikdə çəki probleminə səbəb olmur. Bildiyiniz kimi, pişiklər qeyd olunan sterilizasiya əməliyyatından sonra artıq kilo almağa meylli olurlar. Qısırlaşdırılmış pişiyin sağlamlığı tam olaraq yemin asan həzm olunan zülallarından və balanslı tərkibdən asıllıdır. Super-premium rasionlarla qısırlaşdırılmış pişiyin sağlamlığını dəstəkləmək çox vacibdir.

Brendin yemlərinin universal olduqlarına baxmayaraq Orijen Fit&Trim xüsusən qısırlaşdırılmış pişiklər üçün nəzərdə tutulur.  85% ət inqrediyentlərindən ibarət olan yemin formulu pişiyin çəkisini kontrol edir və aşağı kalori və yağ miqdarına malikdir. Piyinizin qısırlaşdırmasından sonra onun əzələ kütləsinə ətin tərkibində olan aminturşuları ilə dəstək olunmalıdır. Qeyd olunan rasion toyuq və faydalı subməhsullar, həmçinin siyənək, xek balığı bə hinduşka ətindən ibarətdir.   

Orijen nəm pişik yemi

Orijen nəm pişik yemi 95% ət inqrediyentlərini ehtiva edir. Heyvan zülalları toyuq, qızılbalıq, ton balığı, ördək, qaraciyər, mal əti ilə təqdim olunur. Bu nəm rasionlar 2 növ konservlər formasında olur:

1. Ət tikələri və loxmaları ilə Orijen pişik konservləri. Bu yem çeynəmə əzələləri üçün faydalıdır. Qurman pişiyiniz, bu teksturların birləşməsi nəticəsində yaranan özəl dadı çox bəyənəcək.
2. Paştet formasında Orijen konservləri. Onlar daha zərif və yumşaq tekstura malikdir. Bala pişiklər və diş, çeynəmə problemləri olan yaşlanmış pişiklər üçün də əladır.

Orijen it yemi

Orijen it yemi dostunuz üçün ən keyfiyyətli qida rasionudur. Faydalı Orijen it yeməkləri onun bədəninin bütün lazımi mikro və makro nutriyentlərlə təmin edəcəkdir. Brendin bioloji qidalanma konseptinə əsasən yemlərin formulu ən yüksək miqdarda heyvan zülalların mənbəyini ehtiva edir. Bu brend it yemi dənli bitkilərin həzm çətinlikləri (itlərin anatomiyası ilə əlaqəli) səbəbindən, onların istifadəsindən imtina edib.

Orijen it yemləri digər elit it rasionları kimi də müxtəlif yem xəttlərinə və növlərinə sahibdir. Bu müxtəliflik itlərinizin individual özəlliklərindən irəli gəlir. Birlikdə Orijet it üçün yemlərinin hansı özəlliklər üzrə qruplaşmasına nəzər salaq:

- ənənəvi yem, itlərinizi Orijen məhsulları ilə tanış etmək üçün əla seçimdir

- itin yaşına uyğun (bala it, yetkin və yaşlanmış itlər üçün rasionlar)

- it cinsinin olçüsünə uyğun (kiçik və böyük cinsli itlər üçün)

- imtina pəhrizinə uyğun yemlər, hansılar ki, həzm problemləri, qida dözümsüzlüyü və allergiya kimi problemlər zamanı istifadə olunur  

- balıq inqrediyentləri ilə zəngin olan yem, hansı ki, dəri və tük sağlamlığı və həssas mədə üçün uyğundur

- artıq çəkili itlər üçün yem (tərkibində daha az kalori və yağlar olur)

Orijen bala it yemi

Orijen bala itlər üçün yemlər bala itinizin qidalanması üçün əla seçimdir. Heyvan mənşəli zülalların böyük miqdarı və zülalların parçalanması nəticəsində yaranan amiturşulararın miqdarı bala itinizin böyüməsi və harmonik inkişafı üçün əvəzsizdir. Orijen bala it yemləri 3 yem növündə təqdim olunur:

1. Orijenin ənənəvi bala it yemi. Çəkiləri 30 kq-dək olana bala itlər üçün uyğundur. O, 85% miqdarında hinduşka, toyuq və vəhşi balıq kimi ət inqrediyentlərini ehtiva edir.
2. Orijen kiçik cinsli bala itlər üçün yem. O, 85% miqdarında toyuq, hinduşka, qızılbalıq, xek və siyənək kimi zülallar mənbələrindən ibarətdir. Kiçik cinsli itlər üçün yemlər daha kalorili, doyumlu və zülallıdır.
3. Orijen böyük cinsli bala itlər üçün yem. İri bala itlər kalsiuma və digər minerallara çox ehtiyac duyurlar. Bu maddələr bala itlərin aktiv inkişafı zamanı onların əzələlərin, qığırdaqların və sümüklərin tədrici böyüməsinə imkan yaradır.  

Orijen kiçik cinsli itlər üçün yem

Orijen kiçik cinsli itlər üçün yemlər xətti 3 növ rasion (85% ət komponentlərilə) ehtiva edir:

1. Orijen kiçik cinsli bala itlər üçün yem. Yemin tərkibində TOP 5 inqrediyentlər bunlardır: toyuq, hinduşka, qızılbalıq, xek balığı və siyənək. Bu yemdə olan aminturşular, faydalı EPA və DHA yağ turşuları bala itin bədən sistemlərinin inkişafına kömək edir. Bu yüksək kalorili yemlər aktiv kiçik cinsli bala itlərin faydalı maddələr və enerji kimi tələbatlarını ödəyir.
2. Həzm və allergiya problemləri olan bala itlər üçün Orijen yemi. Bu rasiona qızılbalıq, siyənək, xek, kambala, xanı balığı kimi qiymətli balıq növləri əlavə edilir.  Bu balıqdar faydalı omeqa 6 və 9 omeqa turşularını ehtiva edir. Sözügüdən yağlar dəri və tüklərin gözəlliyini, beyin və sinir sisteminin inkişafını dəstəkləyir, həmçinin də bala itlərin həzm prossesinə müsbət təsir göstərir.
3. Orijen quş əti ilə kiçik cinsli bala itlər üçün yem. Quş əti olaraq allergik reaksiya törətməyən hind toyuğu və bildirçindən istifadə olunur. Tərkibdə həmçinin qiymətli balıq yağının mənbəyi olan xek və siyənək balıqları yer almışdı. Bu rasionun enerji dəyəri və doyumluğu, enerjiləri tükənməyən aktiv kiçik cinsli bala itlərin ehtiyaclarını tam ödəyir. Yemin qranulları kiçik cins itlərin çənə quruluşuna da uyğundur.

Orijen yemi Bakıda çatdırılma ilə

Dünya şöhrətli Orijen brendinin tarixi və üstünlükləri ilə tanış olduqdan sonra onların istehsal etdiyi məhsulları almaq qərarına gəlmisinizsə, sifarişinizi bizim onlayn zoomağaza vasitəsilə edə bilərsiniz. Rahat filtr sistemi, sərfəli qiymət və digər özəlliklər (bonus ballar, 9 AZN üzəri sifarişlərdə pulsuz çatdırılma, çağrı mərkəzinin daimi dəstəyi) bizim sayt vasitəsilə etdiyiniz alış-veriş təcrübənizi unudulmaz edəcəkdir.