Pişik oyuncaqları

Pişiklərə oyuncaqlar lazımdır

Öz şirinliyinə baxmayaraq pişiklər təbiətcə yırtıcı heyvanlardır. Bununla belə pişiklərdə ov, müşahidə, qaçış, hoppanma kimi təbii instiktlərin olması normal haldır. Qeyd olunan instinktlər küçə pişiklərində tam ödənilir. Bəs ev pişiyinin yırtıcı instinktləri ilə nə etmək olar? Bu işdə pişiklər üçün məhsullar kateqoriyasından pişiklər üçün oyuncaqlar köməyinizə çatacaqlar. Pişiklər oyunlar oynamaqdan məhrumdularsa, bu, pişiyin fiziki (məs, çəki alması) və emosional durumlarına mənfi təsir göstərə biləcəkdir.

Pişik oyuncaqlarının növləri

 Bu pişiklər üçün aksesuarlar təyinatlarına görə qruplaşdırılır. Bəzi pişiklər üçün oyuncaqlar fiziki məharətlərin inkişafına (qaçış, hoppanma və s.) hədəflənir. Onlara lazer göstəricisi, sataşan oyuncaqlar, toplar, mexanik oyuncaqlar və s. aiddir. Digər oyuncaqlar isə zəka və məntiqin inkişafı üçün istifadə olunurlar. Onlara labirintlər, trekerlər aiddir. Qeyd olunan oyuncaqlardan əlavə olaraq xüsusi təyinatlı növləri də mövcuddur. Rezin/lateks oyuncaqlar yeni dişlərin çıxmasında, diş ətinin qaşınmasını aradan qaldırılmasında, nanə sayəsində nəfəsin təravətləndirilməsində kömək edir. Artıq çəki problemi ilə mübarizədə isə müxtəlif qida labirintləri, yem üçün dəlikli oyuncaqlar aiddir.

Gəlin birlikdə pisik ucun oyuncaq növlərini nəzərdən keçirək.

Pişik üçün sataşan oyuncaqlar

Çubuqla oyunlar-pişiyin ən sevimlisidir. Sataşan pişik oyuncaqları adətən tilov formasında olur. Onun ucunda isə müxtəlif növ oyuncaq heyvanlar, lələk, lentlər və buna oxşar elementlər yerləşdirilir. Bu oyuncaqlar pişiyin cəldliyini və reaksiya sürətini inkişaf elətdirir.

Vacibdir! Təhlükəsizlik baxımından qopma ehtimalı yüksək olan hissələrin bərk bitişməsini mütləq yoxlayın.

Pişik üçün top oyuncaqlar

Toplar-ən sadə və ucuz pişik oyuncaqları hesab olunur. Onlar pişiyin dayaq-hərəkət sisteminin inkişafı, südlü dişlərin dəyişmə ərəfəsində ağız boşluğunun sağlamlığı üçün çox vacibdir. Pişik topları müxtəlif formada olurlar:

• Tikanlı
• İnteraktiv
• Səsli
• Pişik otu ilə parçalı
• Lateks/rezinli

Pişik üçün mexaniki oyuncaqlar

Mexaniki , yəni hərəkət edən ov obyektli (siçan, ilan, balıqlar və s.) pişik üçün oyuncaqlar aktiv və macəra sevən pişiklərin zövgünə oxşayacaqlar. Bunların köməyi ilə pişiyiniz ürəyincə oyun oynayaraq öz ovçu instinktini ödəyəcəkdir.

Pişiklər üçün batareyalı elektron oyuncaqlar

Bu növ pişik oyuncaqları mexaniki növlərdən bir pillə yuxarıdadır. O səbəbdən ki, onlar, əlavə səs və vizual (işıqlandırma) effektləri ilə təchiz olunublar. Bu effektlər pişiyinizin oyununa xüsusi maraq qatacaq. Amma nəzərə almalısınız ki, qorxaq və bala pişiklər bu xüsusi effektlərdən qorxa bilərlər. 

Pişik üçün interaktiv oyuncaqlar

Bu, sevimli pişiyinizin əvəzolunmaz hədiyyəsi ola bilər. Bu pişik oyuncaqları pişiyinizi tam olaraq oyun prosessinə cəlb edəcək və onun beynini inkişaf elətdirəcək. Bu oyuncaqlar elektron variantlarında olduğu kimi xüsusi effektlərlə təchiz olunublar. Bəzən də bu oyuncaqlarda pişiyin hərəkətlərinə reaksiya verən sensorlar da olur. Bu sensorlar sayəsində oyun ikiqat maraqlı alınır.  

Pişiklər üçün oyun kompleksi

Bu komplekslər hər yerə dırmaşmaq və ətrafdakıları tədqiq etməyi sevən pişiklər üçün əla variantdır. Pişiklərin əcdadları olan vəhşi pişiklər ağaclara dırmaşaraq öz qurbanlarını izləyirdilər. Oyun komleksinin hündürlüyündən əla görünüş sahəsi açılır. Buna görə də, bu oyun evciklərini pəncərədən açılan mənzərə istiqamətində yerləşdirin. Oyun komleksinin əlavə müsbət tərəfi odur ki, orada yumşaq mebelenizi zədələrdən və cızıqlardan qoruyan pişiklər üçün caynaqyonan yerləşdirilir.

 Pişik oyuncağı necə seçilməli

Qeyd olunan aksesuar düzgün seçilmədiyi təqdirdə pişik ona heç yaxın da durmayacaq. Bu səbəbdən pişik oyuncaqları seçimində bu qaydalara əsaslanın:

1. Oyuncaq tam təhlükəsiz olmalıdır. Bütün zəruri keyfiyyət və təhkükəsizlik sertifikatlarına sahib olan original oyuncaq brendlərinə üstünlük verin. Çünki toksik materiyallardan ibarət (məs, boya), tez-tez sınan və qopan oyuncaqlarla daim təmasda olmaq pişiyin sağlamlığına böyük zərər verə bilər. Saplı və lentli detallı oyuncaqlara xüsusi diqqət yetirin. Pişik sataşan tilovlu oyuncaqlarla nəzarətiniz altında oynamalıdır.
2. Oyuncaq seçdikdə pişiyinizin özəlliklərini (yaş, aktivlik və s.) nəzərə almalısınız. Məs., bala pişiklərə daha çox sadə tüklü siçan və ya səssiz toplar uyğun olar.
3. Səhv etməmək üçün oyuncaq seçməzdən əvvəl pişiyinizin təbii mühitindəki oyunlarına müşahidə edin. Məsələn, pişiyiniz pəncərədən düşən günəş şüalarını tutursa , ona lazer göstəricisi ala bilərsiz. Hətta lazerin başlıqlarını dəyişdirərkən fərqli şəkillər əldə edə bilərsiniz.  

Pişiyi oyuncaqlara alışdırma qaydası

Pişiyi oyuncağına alışdırmaq üçün həmin oyuncağın onun ürəyincə olmasına mütləq diqqət edin. Düzgün seçim etmək üçün yuxarıda qeyd olunan qaydalara riayət edin. Yeni oyuncağa maraq oyatmaq üçün pişiyinizlə birgə oyun təşkil edin. Oyun zamanı isə oyuncağın funksiyalarını və oyuncaqdan düzgün istifadə qaydasını pişiyinizə nümayiş elətdirin. Birgə keçirdiyiniz oyundan sonra sevimlinizi xüsusi pişiklər üçün çərəzlər ilə mükafatlandıra bilərsiniz. Bununla belə siz pişiyinizdə oyunla bağlı müsbət bir assosiasiya yaradırsız.

  Bakıda pişiklər üçün ucuz oyuncaq və digər müxtəlif pişik məhsullarının geniş çeşidi bizim onlayn zoomağaza Biopet Shop saytında tapacaqsınız. Sifarişinizi elə indi yerləşdirin, biz isə evinizədək pulsuz çatdıraq (9 AZN üzəri alışda).

Əla xəbər! Alış-verişinizi edərkən hədiyyəli xallar qazana bilərsiniz.