Acana

ACANA brendi—it və pişiklər üçün super-premium yemlərinin kanadalı istehsalçısıdır. Kanada, ev heyvanları üçün elit yem növlərinin istehsalında dünyada aparıcı və avtoritet yer tutmuşdur. Brendin tarixi 1975-ci ildə Kanadada sıradan bir fermada başlamışdı. Reynhard Mulenfeld ailəsi ilə birgə kiçik bir zoomağaza işlədirdi. Orada təzə ferma məhsullarından hazırlanmış ev heyvanları üçün yemlər satılırdı. Bu yemlər yerli sakinlər arasında çox populyar idi. Bir müddət sonra fermer işinin genişləndirilməsi barədə qərar vermişdi. Hazırda Acana brendi  Kanadada yerləşən «Champion petfoods» şirkətinin ticarət nişanıdır.  

Acana yem brendi ev heyvanlarınızın bioloji tələbatlarına və özəl ehtiyaclarına əsasən balanslaşdırılmış yemlənməsinə zəmanət verir. Acana rasionlarının “Nutrition they need, flavor they love”əsas şüarı “Lazım olunan nutriyentlər, sevilən dad” kimi tərcümə olunur. Acana yem brendi BAFRINO adlandırılan unikal fəlsəfəni icad edib. Fəlsəfəyə bu anlayışlar əhatə edir:

BA (biologically appropriate) – rasionların heyvanların təbii/vəhşi insinktlərinə və yırtıcı olaraq anatomik özəlliklərinə bioloji tərəfdən uyğunlaşması. Unutmayın ki, it və pişiklərin əhlilləşdirilməsi onları otyeyən heyvana çevirməyib.

FRI (fresh regional ingredients) – təzə regional (kanadalı) məhsullar. Bu məhsullar Acana yemlərinin əsasıdır. Bununla kanadalı fermerlərə aktiv şəkildə güclü iqtisadi dəstək göstərilir. Yeni məhsulların təchizatı hər gün həyata keçirilir və daxil olan xammalın işlənməsi də eyni gündə baş verir.

NO (no outsourcing) – outsorsingin olmaması. “Hər şeyi özümüz edirik” prinsipi ondadır ki, xammalın alınmasından tutmuş hazır yemin qablaşdırmasına və keyfiyyətinin nəzarətinədək olan bütün proseslər Acana fabriki tərəfindən həyata keçirilir.

Acana yemin üstünlükləri

Acana yeminin dünyaca populyarlıq qazanmasına bir çox səbəb var. Bu super-premium yemlər uzun siyahı ilə ifadə olunacaq üstünlüklərə malikdir. Əsas üstünlüklərini qeyd edə bilərik:

• Alıcılarla münasibətdə açıqlıq və şəffaflıq siyasətinin seçilməsi

Yemin tək qablaşdırılması bir sıra unikal informasiya daşıyıcısıdır. Az sayda istehsalçı bu qədər açıq və detallı məlumat təqdim edə bilər. Brend öz təchizatçıların qeydiyyatını aparırı. Yalnız sınanmış fermerlər Acana ilə iş birliyinə cəlb oluna bilər. Bu hal Akana məhsullarının yüksək keyfiyyətinin zəmanətidir.

• Yemlərin ev heyvanlarınızın yırtıcı, yəni bioloji tələbatlarına tam uyğun olması.

Yem xəttlərinin tərkibində 75%-dək ət ingrediyentləri mövcuddur. Digər qalan bitki hissəsi isə yalnız faydalı bitki, meyvə, tərəvəz və giləmeyvələrdən ibarətdir.

• Tərkibində əsassız şəkildə böyük miqdarda karbohidratların olmaması

Tapioka, kartof və düyü kimi komponentlərini Acana yemlərinin tərkibində görə bilməyəcəksiniz. Brendin rasionları yalnız təzə meyvə, müalicəvi otlar, tərəvəzlər və giləmeyvələr ehtiva edir.

• Vitamin və mineralların maksimal formada qoruyub saxlanması.

Bu prinsip unikal emal texnologiyaları əsasında həyata keçirilir. Ənənəvi istehsalçılardan fərqli olaraq Acana dərin işlənməşin xammaldan istifadə etmir. Bir neçə etapla işlənmiş xammal bir sıra faydalı mikroelementləri itirir.

• Ekoloji təmiz xammal.

Yemin qablaşdırmasında təsvir olunmuş yaşıl çəmənliklər və gözəl təbiət sırf marketing addımı deyil. Qablaşdırma həqiqətən də yemin inqrediyentlərinin hansı real şəraitdə yetişdirilməsini əks etdirir.

Acana yemin tərkibi və sinif keyfiyyəti (klassı)

Bir çox istifadəçilər Acana yemlərini xolistik növünə aid edir. Xolistik yemlər super-premium kateqoriyalı yemlər arasında ən yüksək keyfiyyətə malikdir. Lakin Akana rasionlarının istehsalçıları özlərini tamamilə yeni “bioloji uyğun rasionu” adlandırılan elit kateqoriyalı yem kimi təyin edir. Rasionun bioloji uyğunluq konseptini tam başa düşmək üçün onun 5 əsas prinsipi ilə tanış olmalısınız:

1. Ət növlərinin geniş çeşidi və tərkibdə yüksək miqdarda ət inqrediyentlərinin olması.

İt və pişiklərin yırtıcı olduqları üçün onların həzm sistemi (fermentləri) əsasən heyvan mənşəli zülalların həzm edilməsi üçün uyğundur. Heyvanınızın rasionunu əsasən standart toyuq və ya dana əti ilə məhdudlaşdırılması heç də ədalətli deyil. O səbəbdən ki, vəhşi mühitdə sevimli heyvanlarınız müxtəlif heyvan ətləri ilə qidalanardı. Bir növ ətdən ibarət ömürlük pəhriz xoşagəlməz fəsadlarla nəticələnə bilər. Nəzərə alın ki, müxtəlif ət növləri fərqli qidalılıq dəyərinə və faydalara malikdir. Müxtəlif ət növlərinin düzgün balanslaşdırılması dostunuza maksimal fayda gətirə bilər. Akana it və pişik yemekləri öz tərkibində antibiotik və hormon istifadə edilmədən yetişdirilmiş sərbəst gəzən ev quşların, təzə ev yumurtaların və mal-qara heyvanlarının ət inqrediyentlərini (quzu, camış, dana və s.), göl və okean balıqlarını (sudak, xek, siyənənk, kambala və s.) ehtiva edir.

2. Yemin tərkibində təzə ətin yüksək miqdarda olması.

50%-dən çox ət inrediyentləri təzə və çiy formada Acana yem fabrikinə təqdim olunur. Təzə yem komponentləri öz şirəsində bişirilir ki, tərkibində vitamin və minerallar maksimal olaraq qorunsun. İnqrediyentlərin emalı 90 dərəcə isti ilə həyata keçirilir və beləlikdə bütün amin və yağ turşularının faydası saxlanılır.

Geniş inanclardan biri isə odur ki, yüksək zülallı yemlər sidik daşları xəstəliyinə yol aça bilər.  Realda isə bu xəstəliyin təkanı qismində balanslaşdırılmamış rasion (çoxlu karbohidratlar, az zülallar), piylənmə, su balansının (susuzluq) pozulması və digərləri aiddir.

3.  Bütöv şikarın yeyilməsi («Whole Pray»).

Yırtıcıların əcdadları şikarını bütöv şəkildə yeyərdilər. Tutduğu şikarın qırmızı ət hissəsini ətin digər hissələrindən ayırmırdılar. Yırtıcıların rasionu üçün ana təbiət tərəfindən yaradılan hər bir şey məna daşıyır. Məsələn, yedikləri qarın hissə faydalı bakteriyalar, 1 kateqoriyalı sub məhsullar (B qrup vitaminləri və minerallar), iri heyvan sümükləri (kalsium, sümük iliyi), qığırdaq (kolagen, xondtroitin, glukozamin) ilə təchiz olunub.

4. Acananın tərkibində təzə meyvələrin, tərəvəzlərin, bitkilər və giləmeyvələrin geniş çeşidi.

Dənli bitkilər it və pişiklərinizin təbii rasionuna uyğun deyil. Onların tərkibində olan fitin turşusu orqanizmlərində həzm olunmur. Səbəb isə “fitaza” fermentininin orqanizmlərində ifraz olunmamasıdır. Ənənəvi yem istehsalçıları isə dənlilərdən normadan artıq istifadə edirlər. Buna bir neçə səbəb var: ucuz xammal, tez əldə olunan enerji mənbəyi və yüksək kalori dəyəri. Dənlilər normadan çox yeyilərsə həzm problemləri, köp, artıq çəki, bəzən də allergiya kimi fəsadlarla nəticələnir.

Akana brendi öz yemlərində mürəkkəb karbohidratlara aid edilən və yüksək qidalılıq dəyərinə malik meyvə və tərəvəzlərdən istifadə edir. Sevimli heyvanlarımızın əcdadları kiçik miqdarda olsa da yetişmiş meyvələri, giləmeyvələri, otları və tərəvəzləri həvəslə yeyərdilər. Akana rasionların tərkibi aşağı qlikemik indeksinə (Qİ) malik və bununla şəkər qalxmasına səbəb olmayan karbohidratları ehtiva edir. Bunlara Britaniyanın Kolumbiyasında yetişdirilən alma, armud, muskat balqabağı, kök, ispanaq, mərcanı və qaragilə, kalendula, itburnu, zəncəfil, sarıkök, razyana, lavanda və digərləri aiddir. Bu bitkilərin hamısı antioksidant xüsusiyyətlərinə malik olduqları üçün immunitetstimullaşdırıcı hesab olunur. Mürəkkəb karbohidratlar həzm və sidik-ifrazat sistemlərinə xoş təsir göstərir və böyük miqdarda liflər, taninlər və bir sıra vitaminlər (А, В, С, Е və digərləri) ehtiva edir.

5. Acana yemlərinin tərkibində süni konservantların, rəngləyicilərin və dadlandırıcıların olmaması.

Acana yemlərində yalnız təbii və ziyansız antioksidant şəklində konservantlar mövcuddur. Bunlara E vitamini və onu ehtiva edən bir sıra faydalı bitkilər aiddir. Ev heyvanlarınızın dad reseptorları mütləq təbii qoxu və dadlara alışmalıdır. Müxtəlif qatqılar və dadlandırıcı maddələr heyvanları ucuz yemlərdən asılı edir. Buna görə də bir çox hallarda aşağı keyfiyyətli yemlərdən təbii yemlərə keçid prosesi çətinləşir.

Su istifadə etmədən və buxarda aşağı temperatur ilə (100 dərəcəyədək) özəl bişirmə texnologiyası və sırf təzə və ya çiy inqrediyentlərdən istifadəsi sayəsində Akana rasionları misilsiz və dolğun bir dada malik olur.

Acana yemlərinin növləri

Premial Acana yemində it və pişiklər üçün müxtəlif məhsul xəttləri mövcuddur. Bu yem xəttləri quyruqlu dostlarınızın individuallıqlarını və özəlliklərini nəzərə alır. Bunlara yaş həddi, həyat dönəmi (hamiləlik, qısırlaşdırılma), yemək üstünlükləri, cinsin ölçüsü və digərləri aiddir.
Akana rasionları ev heyvanlarınız üçün 4 əsas yem xəttlərini təqdim edir:

1. Acana Highest protein fərqli cins və yaşda olan pişik və itləriniz üçün.

Bu yem xətti Kanadanın misilsiz gözəl təbiətindən və təbii nemətlərindən ilhamlanaraq yaradılmışdı. Bu yem xəttinin tərkibi 75% ət inqrediyentlərini, 25% isə karbohidratları (meyvə, giləmeyvə, otlar, tərəvəz), 0% dənli bitkiləri, 0% bitki zülalları və 0% GMO ehtiva edir. Yemdə ət komponentləri olaraq rançoda yetişdirilmiş quzular, anqus cinsli inəklər, çöl bizonu, çöl ördəyi, ferma yumurtaları, Vankuver adasında tutulmuş siyənək, sudak, kambala, sardin kimi balıqlar təqdim olunur.

2. Acana Classics bütün yaşda və həyat dönəmlərində olan itlər üçün yemlər.

Bu yemlərin tərkibi 50% ət inqrediyentləri və 50% faydalı dən bitkiləri (yulaf), tərəvəz, meyvə, giləmeyvə və digər bitkiləri ehtiva edir. Ət inqrediyentlərinin böyük hissəsini Kanadanın ən yaxşı fermalarından olan sərbəst gəzən ev quşları, dana, quzu ətləri və omeqa yağ turşularını (itlərin dəri və tükləri üçün) ehtiva edən qızılbalıq da təşkil edir. 

3. Acana heritage itlər üçün.

Bu yem xəttində ilk olaraq yerli ferma ətlərindən istifadə olunmuşdur. Beləliklə, dərin emal olunmuş xammalın idxalı dayandırılmış və yemlər, birinci əldən alınaraq, təzə və çiy inqrediyenlərdən hazırlanmağa başlamışdır. Bu rasion xəttlərində ət inqrediyenlərin miqdarı 75%-dir. Bu yemlər həm kiçik, həm də böyük ölçülü yetkin və bala itlərin, pəhrizdə olan heyvanların, aktiv və ya passiv olan quyruqlu dostlarınızın, sürətlə inkişaf edən bala itlərin ehtiyaclarını qarşılayır.

4. Acana Classics bütün cins itlər üçün (bütün həyat dönəmlərində).

Bu yemlərin tərkibi 50%-dək ət inqrediyentlərini, 50% sağlam tamdənli bitkiləri, tərəvəz, meyvə, giləmeyvələr və digər bitkilər ehtiva edir. Ət inqrediyentlərin əsas hissəsini Kanadanın ən yaxşı fermalarında yetişdirilən sərbəst gəzən ev quşları, dana əti, quzu və omeqa turşuları (dəri və tüklər üçün) ilə zəngin olan qızılbalıq və digər ət növləri təşkil edir.

5. Acana single itlər üçün.

Bu özəl Acana yem xətti ənənəvi formullardan fərqli olaraq 1 heyvan zülalı mənbəyindən ibarətdir. Bu, xüsusi pəhrizdə olan, yaxud həzm və allergiya problemləri olan itlər üçün çox lazımlıdır. Heyvan zülalları fermada böyüdülən quzu, ördək, yorkşir donuzu və həmçinin yırtıcı üçün faydalı olan əlavə ət məhsulları (məsələn, içalat) ilə təqdim olunur. Yemin tərkibində olan lavanda nəinki sakitləşdirici təsirə malik, hətta sidik ifrazının stimullaşdırması, antiseptik, qan dövranının yaxşıllaşdırması ilə tanınır.

Acana pişik yemi

Pişik üçün Acana yemi ev heyvanınızı yırtıcı təbiətinə uyğun balanslaşdırılmış rasionla təmin edəcəkdir. Pişik-obliqat (sərt) yırtıcı heyvandır, yəni onun rasionun bir çox hissəsi heyvan zülallarından ibarət olmalıdır. Akana brendindən fərqli olaraq az sayda istehsalçılar öz yemlərində kifayət qədər ət miqdarını təmin edir.

Acana pişik yemlərində dənli və dənsiz yem xəttləri mövcuddur. Pişiklər üçün dənli rasion xətti çox faydalı olan yulaf cücərtilərini ehtiva edir. Onlar faydalı hesab olunan mürəkkəb karbohidratlara aid edilir və xolesterin ilə təzyiqin aşağı salması, ürək-damar və sinir sistemlərinin gücləndirilməsi xüsusiyyətlərinə malikdir.  

Bundan əlavə, Acana pişik yemləri asortimentinə bala pişiklər üçün yem, qısırlaşdırılmış pişiklər üçün yem, pişik üçün nəm yem növləri daxildir.

Acana nəm pişik yemi

Akana nəm pişik yemi pate (paştet) formasında konservlərlə təqdim olunur. Pate-sobada ya suda bişirilmiş inqrediyentlərin sonradan ovması nəticəsində yaranan zərif teksturlu paştet növüdür. Bu konsevlər “Pişiyinizin arzuladığı dad” şüarı ilə təqdim olunur.  Paştet formasında Асаna pişik yemi istənilən seşici piyinizin gastronomik ehtiyacalrını ödəyəcəkdir. Konsevlərin hazırlama texnoloqiyası onlara dolğun dad bəxş edir. Bu nəm pişik rasionu 85% ət inqrediyentlərdən ibarətdir.

Acana nəm pişik yemi bir neçə növdə mövcuddur: bala pişiklər üçün konserv 2 formada, balıq ilə konsevlər (ton balığı ya qızılbalıq), qırmızı ətli konservlər (dana ya quzu ətindən) və ənənəvi toyuqlu pate/paşteti. 

Bala pişiklər üçün Acana yemi

Асаna bala pişiklər üçün yem həm quru, həm də nəm variantda təqdim olunur. Quru bala pişik yemi 70% ət komponentləri ehtiva edir. Bunlara siyənək balığı, toyuq aiddir. Bu yem lazımı qədər kalorili və doyumludur. Tərkibindəki təzə ət zülalları, omeqa turşuları (EPA и DHA), taurin və digər nutriyentlər sayəsində bala pişiyinizin düzgün inkişafını və orqanizm sistemlərinin dəstəklənməsini təmin edəcəksiniz. Akananın dənsiz bala pişik yemi 75% (toyuq, hinduşka, siyənək) seçmə ət inqrediyentlərindən ibarətdir. Sözügedən yemin komponentləri bala pişiyi harmonik şəkildə inkişaf etdirir və əzələlərlə sümüklərin böyüməsini, dəri və tüklərin , həmçinin həzm sisteminin sağlamlığını (liflər və prebiyotiklər sayəsində) təmin edir.

Bala pişiklər üçün Acana nəm yemi 85% ət inqrediyentlərini (toyuq, ton balığı) ehtiva edir. Вrendin konservlərində faydalı olan balığın sümük bulyonu mövcuddur. Bu bulyon yod, kalsium, ftor, sink, fosfor və digər maddələrlə zəngindir. Akana bala pişik konservləri onun sinir, həzm, immun, diş və sümüklər sistemlərinə müsbət təsir göstərəcəkdir.

Acana qısırlaşdırılmış pişik yemi

Acana pişik yemi brendi müxtəlif həyat dönəmlərində (qısırlaşdırılma daxil) olan pişiklər üçün uyğundur. Lakin xüsusən qısılaşdırılmış pişiklər üçün əla seçim ola bilən Acana İndoor yemini də qeyd etməliyik. Bu yem çəki tənzimləmə xüsusiyyətinə malikdir. O 75% miqdarında ət komponenlərini (toyuq, qızılbalıq, alabalıq) ehtiva edir, hansılar ki, qısırlaşdırılmış pişiklər üçün çox vacidir. Bu yem özündə ideal zülallar, yağlar və kalori balansını cəmləyir. Bu yemək növü pişiyinizin artıq çəki almasına imkan verməyəcək. Artıq çəki -qısırlaşdırılmış pişiklər üçün geniş yayılmış problemlərdən biridir.

Acana it yemi

Acana it yemi dostunuzun bütün qida ehtiyaclarını qarşılayacaq. Аkаna it yemi ət inrediyentlərin yüksək miqdarda olması və dənsiz formulu ilə seçilir. Bu brendin məhsulları təbiətdən gələn ideal it rasionudur.

Acana it yemləri müxtəlif çeşiddə təqdim olunur:

• Yüksək miqdarda zülallarla dənsiz yem. Bu yeməklər itinizin rotasion pəhrizi üçün ideal seçiminiz olacaq. Rotasion pəhrizi itinizin rasionunda allerqenləri təyin etmək üçün saxlanılır. Bu rasion 70% ət iqrediyentlərdən ibarətdir. Bu ətlərə toyuq , hinduşka, qaraciyər, quzu, ördək, ferma yumurtaları, siyənək, makrel və digərləri aiddir.  
• Akana itlər üçün klassik dənli yem. Bu it rasionu 50% ət inqrediyentləri, faydalı yulaf cücərtilərini, meyvə və tərəvəzləri ehtiva edir. İtinizin sevimli ət növü ilə yem seçiminiz var: qırmızı ət, qızılbalıq (faydalı omeqa yağları ilə), quş əti növləri. 
• Acana monoprotein it yemi. Bu rasionda 1 ət növü mövcuddur. Bununla allerqiya və həzm pozulması riskləri azalır.
• İtin aktivlik səviyyəsinə uyğun Akana yem növləri. Aktiv itlər üçün nəzərdə tutulmuş yemlər enerji sərfiyyatlarını bərpa etmək üçün daha çox kalori, zülallar, faydalı yağlar ehtiva edir. Hərəkətsiz itlərin çəkisini qoruyan xüsusi yem isə tərkibində daha az kalori və yağlar ehtiva edir.
• Yaşlanan itlər üçün Acana yemi. Bu rasion 65% ət inqrediyentləri sayəsində itlərin əzələlərini tam dəstəkləyir. Bu yemin formulu həm də yağ miqdarını tənzimləyir.  
• Acana bala itlər üçün dənsiz yemlər. Bunlara bütün cins bala itlər üçün universal yem, kiçik cinsli və böyük cinsli bala itlər üçün yem növləri aiddir.
• Acana yetkin itlər üçün dənsiz yemlər. Bu rasionlara yetkin itlər üçün universal yem, kiçik cinsli və böyük cinsli yetkin itlər üçün yem növləri aiddir.

Аcana bala itlər üçün yem

Acana bala itlər üçün yem növləri 70% ət inqrediyentlərini ehtiva edir. Zülallar bala itlərin rasionunun ayrılmaz hissəsidir. Bala itlərin düzgün inkişafı və formallaşması birbaşa yemin tərkibində olan zülalların miqdarından asılıdır.  Zülallar bala itlərə tükənməz enerji bəxş edir. Yumurta və müxtəlif ət növləri ən yüksək bioloji dəyərə (yəni aminturşulara qədər parçalanma qabiliyyəti) malikdir.   

Bala itlər üçün Acana yemi 3 növdə təqdim olunur:

1. Bütün cins bala itlər üçün universal Akana yemi. Bu yemin bir nömrə inqrediyenti-ənənəvi toyuq ətidir. Tərkibinə omega yağları ilə zəngin kambala balığı da daxildir. Rasionun formulu bala itin sürətlə böyüməsini və inkişafını təmin edir.  
2. Böyük cins bala itlər üçün Akana yemi. Bala itin əzələlərinin tədrici böyüməsi üçün rasionun tərkibində yetəri qədər heyvan zülalları olmalıdır. Yemdə kalsiumun olması da çox önəmlidir. Onun sayəsində böyük cins bala itlərin sümükləri bərkiyir və dayanaq-hərəkət sisteminin inkişafı təmin olunur.
3. Kiçik cinsli bala itlər üçün Akana yemi. Alıcılar arasında popularlıq qazanan bu yemlərə daha detallı formada baxılacaq.  

Acana kiçik cinsli itlər üçün yem

Akana kiçik cinsli itlər yemi 60% ət inqrediyentləri ehtiva edir. Belə yüksək zülal göstəricisi itlərin yetəri qədər enerji almaları üçün şərtdir. Kiçik cinsli itlərin maddə mübadiləsi daha sürətlidir. Bu rasionlar həm də daha kalorili olurlar. Yalnız yüksək keyfiyyətli xolistik tipli yemlər kiçik cinsli itlərin sağlam və aktiv həyat sürmələri üçün onları yetəri qədər enerji və mikromaddələrlə təmin edə bilər. Sözügedən marka həm də kiçik cinsli bala itlər üçün 70% (toyuq, kambala balığı) ət inrediyentlərini ehtiva edən yem növünü istehsal edir. Yem formulu beyin inkişafı və tüklərlə dərinin sağlamlığı və gözəlliyi üçün omeqa 3.6.9 yağlarını ehtiva edir. Həmçinin bu rasion kalsium, fosfor və sümük sisteminin inkişafı üçün digər mikroelementləri ehtiva edir.

Аcana it və pişik yemləri Bakıda çatdırılma ilə

Kanadanın Acana brendinin tarixi və üstünlükləri ilə tanış olduqdan sonra onlara aid it və pişikləriniz üçün yemlər almaq qərarına gəlmisinizsə, sifarişinizi bizim onlayn zoomağaza vasitəsilə həyata keçirə bilərsiniz. Rahat filtr sistemi, sərfəli qiymət və digər özəlliklər (bonus ballar, 9 AZN üzəri sifarişlərdə pulsuz çatdırılma, çağrı mərkəzinin daimi dəstəyi) bizim sayt vasitəsilə etdiyiniz alış-veriş təcrübənizi unudulmaz edəcəkdir.