Ru
Alman çoban iti (Alman ovçarkası) haqqında məlumat
Təkcə ekranlarda deyil, həyatda da o bir qəhrəmandır. Alman çoban iti bu günə də asayişin keşiyində dayanır və axtarış-xilasetmə işlərində iştirak edir. Ciddi görünüşə malik it ailəsinin yanında oynamağı sevən çox şirin və sadiq bir dosta çevrilir. Lakin bu cins it üçün həmişə ən əsas vəzifə sahibini qorumaqdır.
Alman çoban iti (Alman ovçarkası) xasiyyəti
Güclü sinir sistemi, təmkinli xasiyyət və parlaq ağıla görə alman çoban iti nəinki Azərbaycanda, həm də bütün dünyada ən məşhur it cinslərindən biri adını qazanıb. Bu, həyatını insansız təsəvvür edə bilməyən çox sadiq və sevən bir itdir. Yalnızlıq ona yaddır, amma təmkinli alman iti heç vaxt narazılığını bildirməz və səbirlə öz sahibini gözləyər. Qarşılıqlı sevgi və ailə qayğısı bu sadiq yoldaşın ehtiyac duyduğu tək şeydir. Həmçinin alman ovçarkası adlandırılan bu it sahibi ilə uzun gəzintilərdən və aktiv oyunlardan məmnun qalacaqdır. İt həm şəxsi evin həyətində, isti volyerin olması şərtilə, həm də evin içində yaşaya bilər.
İstər tək insan, istərsə də uşaqlı böyük ailə olsun – bu dördayaqlılar hamı ilə yaxşı yola gedirlər. Anadangəlmə qoruyucu instinktləri, ayıqlıq və parlaq zəka sayəsində bu cins tez-tez bələdçi iti kimi özünü göstərir.
Alman çoban itləri uşaqları çox sevirlər və onlarla oynayırlar, lakin bu itlərin böyük ölçüsünü nəzərə alsaq, körpələri onlarla tək qoymaq məsləhət görülmür.
Yad insanlara alman ovçarkası son dərəcə ehtiyatla davranır, lakin lazımsız yerə aqressiya göstərmir. Alman ovçarkası qonaqlara şübhə ilə yanaşır və evi tərk edənə qədər onları izləyir.
Evdə başqa heyvanlar varsa, o zaman ovçarka onlarla anlaşa və hətta dostluq edə biləcəkdir.
Alman çoban iti (Alman ovçarkası) fiziki xüsusiyyətləri
- Bədəni
Orta boydur. Bədən çəkisi boya mütənasib olmalıdır. Erkəklərin boyu adətən 60-65 sm, çəkisi 30-40 kq, dişilər isə adətən 5 sm kiçik və 8 kq yüngül olur. Bədəni əzələlidir və bir az uzundur, skeleti güclüdür. Sinəsi geniş və dərindir. Sağrısı yatqındır.
- Baş və kəlləsi
Pazşəkillidir, qulaqların arasında geniş, bədənə nisbətdədir. Alından ağıza keçid hamardır. Alın bir az qabarıqdır.
- Gözləri
Orta boy, ovaldır. Bir az əyilmiş şəkildə yerləşibdir, çıxıq deyil. Göz rəngi tünddür.
- Ayaqları
Ön ayaqları düzdür. Kürək sümükləri uzundur və əyri yerləşib. Çiyin sümükləri düzdür. Əl daraqları güclüdür. Pəncələri yuvarlaqlaşdırılmışdır, barmaqları əyilmişdir.
Arxa ayaqları arxadan baxanda düz və paralel görünür. Əzələləri yaxşı inkişaf etmişdir. Budları geniş və əzələlidir. Sapma oynaqları güclüdür. Pəncələri kiçikdir, barmaqları bir az əyilmişdir.
- Quyruğu
Uzun və sıx tüklə örtülmüşdür, quyruğun aşağı hissəsinin tükü daha uzundur. Bir az əyilmişdir, dinc halda aşağı enir.
- Qulaqları
Böyük, dik, üçbucaqlı formadadır. Qulaq seyvanları irəli baxır. 4-6 aylıq bala itdə qulaqlar sallana bilər.
- Tükü
İki növdür: qalın alt tük örtüyü və qısa və düz sərt xarici tük; sıx alt tük örtüyü və daha yumşaq uzun xarici tük.
- Rəngi
Qara sarımtıl ləkəli, bütöv qara və ya boz ola bilər. Aşağıdakı sarımtıl ləkələr bu rəngdə məqbuldur: qonur, qırmızı-qonur, sarı, açıq boz.
Alman çoban iti (Alman ovçarkası) üçün qulluq və qayğı
- Yemlənməsi
Yüksək aktivliyinə görə alman ovarkası bütün qida ehtiyaclarını ödəyəcək xüsusi yemə ehtiyac duyur. Belə yemi yalnız premium və super premium brendlər istehsal edir. Yetkin alman ovçarkası üçün Royal Canin German Shepherd Adult tam balanslaşdırılmış yemi bağırsağın optimal mirkoflorasını qoruyur, Omeqa-3 yağ turşuları sayəsində dəri sağlamlığını dəstəkləyir, habelə sümük və oynaqların vəziyyətini yaxşılaşdırır.
Yaşı 2-15 aylıq olan bala itlərə isə Royal Canin Maxi Puppy yemi uyğun gəlir. Məhsulun formulu ovçarka balalarının sağlam böyüməsi və inkişafı üçün lazım olan hər şeyi ehtiva edir.
Ev heyvanınız üçün eyni brendin yemlərindən seçin.
Əgər itinizi təbii bəsləmək istəyirsinizsə, onda ilk növbədə peşəkar baytar həkimi ilə məsləhətləşin. Həkim itin fərdi ehtiyaclarını nəzərə alaraq düzgün rasion tərtib etməyə kömək edəcəkdir. Unutmayın ki, təbii qidalanma sənaye yemi ilə birləşdirilə bilməz.
Unutmayın ki, iti heç vaxt öz süfrənizdən bəsləmək olmaz. Təmiz içməli su həmişə heyvan üçün əlçatan olmalıdır.
- Təlimi
Parlaq zəkaya baxmayaraq alman çoban itləri heç də kaprizli deyil və asan öyrədilirlər. Təlim prosesini erkən yaşda başlamaq daha yaxşıdır. İt yalnız səlahiyyətli sahibinə itaət edəcəkdir, ona görə də fiziki cəza və qışqırma tətbiq etmədən evdə kimin məsul olduğunu göstərin.
Qeyd edək ki, alman ovçarkası liderlik mövqeyini təsdiqləmək və ya öz sahibindən hiss etdiyi aqressiya və təhlükəyə cavab olaraq özünümüdafiə məqsədilə insanı dişləyə bilər.
Müsbət təlim metodundan istifadə edərək ev heyvanınıza düzgün davranışı öyrədin. Sözünüzə baxarsa, ona dadlı çərəz verin və oxşadın.
İti evinizi qorumağa məcbur olmasa belə, yenə də ona əsas əmrləri öyrətməyə dəyər: "Olmaz!", "Gəl!", "Otur!", "Uzan!".
İtinizə xalta qayışında gəzməyi öyrətmək də eyni dərəcədə vacibdir. Bala it çölə çıxa bilirsə, onun sosiallaşması ilə məşğul olun. Ev heyvanınızı yeni yerlər, səslər, insanlar və heyvanlar ilə tanış edin ki, gələcəkdə yad olan hər şeyin qarşısında stres və aqressiya yaşamasın.
Alman ovçarkası yetişdirərkən nəzərə almaq lazımdır ki, sürətli böyüməyə baxmayaraq, bu itlər psixoloji yetkinliyə üçüncü ayda çatırlar.
- Sağlamlığı
Alman ovçarkası orta hesabla 9-13 il yaşayır. Bu cinsin ümumi xəstəliklərinə aşağıdakılar daxildir: anadangəlmə ürək xəstəliyi, bud-çanaq və dirsək oynağı displaziyası, körpə yaşda boy hormonu çatışmazlığı, bağırsaq çevrilməsi, epilepsiya, katarakta, qida allergiyası.
Düzgün bəsləmə və vaxtında baytar həkimi müayinəsindən keçmə xəstəliklərin inkişafının qarşısını almağa kömək edəcəkdir
