Ru
Pomeranian şpits haqqında məlumat
Bu “tüklü topun” arxasında əsl bir cəsurun gizləndiyini təsəvvür etmək çətindir. Lakin bu heç də təəccüblü deyil, çünki pomeranian şpits əslən arktik rayonlardan olan xaski, akita və alyaska malamutu itlər ilə yoldaşdırlar. Qoçaq xasiyyətə görə şpitsləri çox vaxt “kiçik Napoleon” adlandırırlar. Onlar özlərindən bir neçə qat böyük rəqiblərinə qarşı çıxa bilirlər. Bu pomeran itlərin enerjisi o qədər çoxdur ki, bir yerdə oturmaqlarını heç ağlınıza belə gətirməyin.
Pomeranian şpits xasiyyəti
Enerjili, cəsarətli və aktiv bir pomeran it üçün hər gün yeni bir kəşfdir. Bu cins maraq, oynaqlıq və özünə güvən ilə seçilir. Dekorativ it olaraq uyğun deyil, çünki aktiv oyunları və təmiz havada gəzməyi xoşlayır.
Bu cins itlər asanlıqla yeni şəraitə uyğunlaşır, həm kiçik bir mənzildə, həm də böyük bir evdə yaşaya bilər. Sahibi ilə asanlıqla dil tapır, onun həyat tərzinə uyğunlaşır və hər addımını izləyir.
Böyük bir ailədə özünü əla hiss edir. Tanıdığı uşaqlarla yaxşı anlaşır, digərləri ilə özünü ehtiyatla aparır. Ancaq kiçik uşaqlı ailələr üçün çox da uyğun deyil, çünki uşağın səliqəsiz rəftarı nəticəsində it əsəbi ola bilər.
Yad insanlara qarşı ehtiyatlıdır və onlara aqressiya göstərə bilər, bu da davranışın vaxtında tənzimlənməsini tələb edir.
Pomeranian şpits ən kiçik xışıltıya belə çox həssasdır və həddindən artıq hürməyə meyllidir, buna görə o əla gözətçi iti xüsusiyyətlərinə malikdir.
Digər heyvanlarla yaxşı davranır, lakin özünü üstün tutur. Amma onlarla bir evdə böyüyübsə heç bir problem yaranmamalıdır.
Pomeranian şpits xüsusiyyətləri
- Bədəni
Özünəməxsus bədən quruluşuna sahibdir: süysün hündürlüyü bədənin uzunluğuna bərabərdir, buna görə it kvadrat formasını xatırladır. Normal çəkili sağlam bir itdə qarın qaldırılıb və budları yaxşı hiss edilir.
- Baş və kəlləsi
Baş ölçüsü kiçikdir. Kəllənin arxası genişdir və buruna doğru daralaraq paz forması yaradır. Alnı yuvarlaqdıq, başın arxasında isə az bilinən təpiciyi vardır. Yanaqları yumrudur, bu səbəbdən yanaq sümükləri, demək olar ki, görünməzdir. Ayı tipli şpitsin ağzı yastıdır, tülkü tiplidə isə uzanmışdır.
- Gözləri
Pomeranian şpits itin gözləri kiçik və tünd rəngdədir, forması isə badam şəklində və ya ovaldır. Əyilmiş şəkildə yerləşibdir. Göz qapaqları qaradır, tünd qəhvəyi rəngli itdə isə göz qapaqları oxşar rəngdədir. Eynisini dodaq rəngi haqqında da demək olar.
- Ayaqları
Ön ayaqları geniş yerləşib. Çiyinləri əzələlidir. Barmaqlarının bir-birinə sıx yerləşməsi pişik pəncəsini xatırladır. Cinsin qırmızı, krem və qəhvəyi rəngli nümayəndələri istisna olmaqla, digərlərinin pəncə yastıqları və caynaqları qara rəngə malikdirlər.
Arxa ayaqları bir-birinə paralel yerləşir. Bud və baldırları bərabər nisbətdədir. Pəncələri kiçikdir və ön ayaqları kimi dəyirmi deyil. Barmaqları yığcamdır.
- Quyruğu
Quyruğu orta boydur, kifayət qədər yüksək yerləşir və arxadan yuvarlaqlaşdırılmışdır. Bu, itə miniatür və yumru bir görünüş verir.
- Qulaqları
Yeni doğulmuş pomeran itinin qulaqları sallaq olur, lakin böyüdükcə düzləşir. Tülkü tipli pomeraniya şpitsinin qulaqları iti uclu və üçbucaqdır, ayı tiplinin qulaqları isə yuvarlaqlaşdırılmışdır. Bir-birinə yaxın yerləşir.
- Tükü
Qalın alt tük örtüyü vardır. Başı, qulaqları və ayaqlarının ön tərəfi yumşaq qısa tüklə örtülüb. Bədəninin digər hissəsinin tükləri uzun, düz və qıvrımsızdır. Boyun və çiyinlərini qalın uzun tük örtür, quyruq tükü isə gürdur.
- Rəngi
Pomeran iti 10 rəngdə mövcuddur: ağ, mavi, qara, krem, narıncı, məxməri, ləkəli mavi və ya qara, şokolad və ikirəngli. Xallılıq ağ fonda bərabər yayılmış qaşqa ilə özünü göstərə bilir.
Pomeranian şpits üçün qulluq və qayğı
- Yemlənməsi
Pomeranian şpits itin rasionu yüksək miqdarda zülal və vacib vitamin və mineralları ehtiva edərək balanslaşdırılmış olmalıdır. Royal Canin Pomeranian yemləri bu itlərin qida ehtiyaclarını nəzərə alarır. Xüsusi hazırlanmış premium sinifli yem bu vəzifənin öhdəsindən əla gələcəkdir. Yemin yanında həmişə təmiz içməli su qoymağı unutmayın. İtə heç vaxt masadan yemək verməyin və insanlar üçün nəzərdə tutulmuş qida ilə bəsləməyin.
- Təlimi
İnkişaf etmiş zəka sayəsində pomeranian şpits asanlıqla təlim oluna bilir. Lakin, onların tərs və müstəqil xasiyyəti bir növ mane yarada bilər. Pomeranian itinə özünə güvənən və möhkəm xarakterə malik olan bir sahib lazımdır, əks halda it liderlik rolunu özünə götürəcək və sözünüzə baxmayacaq. Təlim zamanı itin sevimli görünməyinə baxmayaraq ona ciddi yanaşın. Amma bu, o demək deyil ki, heyvana qarşı amansızlıq və tənqid göstərəsiniz – belə yanaşmaya it aqressiya ilə cavab verə bilər. Pomeran it ilə nəzakətlə davranın və onu tərifləyin. Təlimi 3-4 aylıq yaşdan asan əmrlərdən başlamaq yaxşıdır: otur, yat, dur, yerinə. Anatomik xüsusiyyətlərinə görə tualet təlimində problem yarana bilər.
- Sağlamlığı
Pomeranian şpits yaxşı sağlamlığı ilə seçilir və lazımı baxım göstərilərsə, 12-16 yaşadək yaşaya bilir. Yüksək aktivliyə görə artıq çəkiyə meylli deyil.
Qeyd etmək lazımdır ki, pomeran iti tez-tez çimizdirilərkən onun tük və dərisinin qoruyucu təbəqəsi pozulur. Bununla belə ev heyvanının imuniteti zəiflənir və itdə bir sıra dəri problemləri yarana biləcəkdir. Mütəxəssislər bu cins iti təxminən ayda 1 dəfə xüsusi şampunla çimizdirməyi tövsiyə edirlər.
Qısa ayaqları və yüksək aktivlik səbəbindən tez-tez diz qapağının çıxması baş verir. Əgər diz qapağı özü yerinə düşməzsə, baytar həkiminə müraciət etmək lazım olacaq, əks halda osteoartrit yarana bilər.
Pomeran itlərin bəzi növləri ayrı-ayrı bədən hissələrinin dazlaşmasına (alopesiya) meyllidirlər. Qara dəri xəstəliyinin görünüşü daha da pisdir – tükün tam tökülməsinə və dəri piqmentasiyasına səbəb olur. Bu, itin sağlamlığına zərər vurmur, lakin görünüşünü korlayır.
Merl rəngli şpits itlərin göz təzyiqi və göz qişasının defektinə meyllidirlər. Kar doğulurlar, ürək-damar, dayaq-hərəkət və sinir sistemləri ilə problemlər yaşaya bilirlər.
Nəfəs yolunun kollapsı adlandırılan qığırdaq halqalarının yumşalması səbəbindən yaranan nəfəs yolu deşiyinin daralması pomeraniya şpitsləri üçün nadir hal deyil. Nəfəs yollarına təzyiq göstərməmək üçün xalta yerinə sinə qayışından istifadə etmək daha yaxşıdır.
Otaq cinslərində qanda şəkərin konsentrasiyasının azalmasına (hipoqlikemiya) tez-tez rastlaşılır.
Sözügedən cins itləri həmçinin göz xəstəliklərinə meyllidirlər. Bu, distixiaz deyilən göz almasını zədələyən əlavə kirpik sırasının anomal uzanmasıdır. Entropion xəstəliyində göz qapağının ucu gözün içərisinə qatlanır. Bu xəstəlikəri müalicə etmək mümkündür.
Bu cinsdə çox vaxt hipotireoz olur və bu da metabolizmin zəifləməsi və bədən çəkisinin artması ilə nəticələnir.
