Golden retriever (Qızılı retriver) haqqında məlumat

Golden retriever (Qızılı retriver) haqqında məlumat

Qızılı retriver bəlkə də ən sevimli və münaqişəni sevməyən it cinsi adlandırmaq olar. Onun üçün insan ən yaxşı yoldaşdır və onunla həyatının hər dəqiqəsini bölüşməyə hazırdır. Bəlkə də elə bu səbəbdəndir ki, bu mehriban və şən canlılar Amerikada ən məşhur it cinsləri arasında birinci yeri tutaraq dünya üzrə it sahiblərinin sevgisini qazanmağa davam edirlər. 

Golden retrieverin xasiyyəti 

Əgər siz aktiv istirahət tərəfdarısınızsa, hətta ailəli insansınızsa, onda qızılı retriver sizin can yoldaşınız olacaq. Enerji ilə dolu bu itlər əylənməkdən heç vaxt imtina etmirlər və uşaqlarınızla oynamağa hər zaman hazırdırlar. Öz həyəti olan şəxsi ev onlar üçün ideal olacaq. 

Əsl ovçu üçün gündəlik oyunlar və məşqlər çox vacibdir. Gəzinti zamanı it qəflətən özünü nohura atarsa, heç də təəccüblənməyin, axı su onun ən sevdiyi mühitdir.  

Golden retriever cinsinə aqressivlik heç məxsus deyil. Bu itlər yad insanlara qarşı tamamilə mehribandırlar, buna görə də onlardan yaxşı mühafizəçi və ya gözətçi it alınmaz. Buna baxmayaraq, balaca uşaqları it ilə tək qoymaq məsləhət görülmür.  

Evdəki digər heyvanlarla tez yola gedəcək, lakin retriverlər üçün insan diqqətini heç nə əvəz etməz. Sahibinin yanında olmaması it üçün tənhalığa bənzər, uzun müddət ayrı düşmək isə heyvana əzab çəkdirəcəkdir.   

Təbiətcə golden retriver çox gözəl zəka və yaddaşa malikdir. Bunun sayəsində onları çox vaxt bələdçi kimi və kanisterapiyada istifadə edirlər. 

Golden retrieverin fiziki xüsusiyyətləri

• Bədəni

Qızılı retriver möhkəm və əzələli bədən quruluşuna malikdir. Beli düzdür, süysünü ifadə olunur. Sağrısı iri quruluşa və yuvarlaq formaya malikdir. Döş qəfəsi enli və dərindir. Qarın xətti səliqəlidir.  Dişilərin çəkisi 25-37 kq, erkəklərin isə 26-41,5 kq-a çata bilir.

• Baş və kəlləsi

Başı bədəninə mütənasibdir. Kəlləsi iridir və çıxıq formaya malikdir. Buruna qədər daralan alından üzə keçid aydın görünür. Burun ucu qaradır, burun deşikləri genişdir. 

Çənəsi möhkəm və güclüdür. Dişləri iridir.

• Gözləri

Böyük və dəyirmidir, geniş yerləşib. Qüzehli qişanın rəngi qəhvəyidən tünd qəhvəyiyə qədər dəyişir. Göz qapaqları qaradır. 

Golden retriever gözləri müntəzəm olaraq xüsusi losyonlarla silinməlidir. 

• Ayaqları

Ön ayaqları iri və əzələlidir. Dirsəkləri bədəninə sıx durur. Pəncələri dəyirmidir, əldaraqları qısa və güclüdür. 

Arxa ayaqları yaxşı inkişaf edibdir.  Sapma oynaqları alçaq yerləşib. Pəncələri orta boydur və dəyirmi formaya malikdir. Caynaqları qısadır, barmaqları yığcamdır. Pəncə yastıqları böyükdür.

• Quyruğu

Uzundur, ucu konusvaridir, əsası enlidir. Hündür yerləşibdir.

• Qulaqları

Uzun və sallaq qulaqlarının əsası enlidir, ucları isə daralır. Bir az yuvarlaq formaya malikdir. Hündür yerləşibdir.

Golden retriever sallaq qulaqları xüsusi qulluq tələb edir, buna görə də həftədə bir dəfə müayinə və təmizlik etmək lazımdır. Bunun üçün xüsusi qulaq təmizləyici vasitələr uyğun gələcəkdir. 

• Tükü

Sərtdir və qalın alt tük örtüyü vardır. Suyadavamlı xüsusiyyətə malikdir. Tükün quruluşu düz və ya dalğalıdır. Sinə, qulaqlar, bədən və ayaqların arxa tərəfində tükü uzundur, digər hissələrdə isə qısadır. 

Bu itlərin tükü çox tökülür, buna görə onları həftədə 2-3 dəfə metal dişli daraq ilə daramaq tövsiyə olunur. Mövsümi tüləmə dövründə isə darama daha tez-tez həyata keçirilir və bunun üçün tük toplama fırçasından istifadə edilir. 

• Rəngi

Qızılı və krem rənginin bütün çalarları qəbulolunandır. Sarı rəng qəbul edilmir. 

Müasir heyvan yetişdiriciləri üç növ golden retriver itləri seçirlər: İngilis (krem rəngli), Amerika (daha tünd qızılı rəng), Kanada (iki növün birləşməsi).

Golden retriever üçün qulluq və qayğı

• Yemlənməsi

Qızılı retriver kimi böyük bir itin bütün qida ehtiyaclarını ödəyəcək xüsusi bir rasiona ehtiyacı vardır. Royal Canin brendi qızılı retriverin ehtiyac duyduğu zülal və yağların balansını ehtiva edən Royal Canin Golden Retriever Adult adlı xüsusi yem yaratmışdır. Məhsulun formulu itin gözəl tük örtüyünün sağlamlığını dəstəkləyir, kroketin forması cinsin çənəsinə uyğunlaşdırılıbdır. Retriver bala itlər üçün xüsusi Royal Canin Golden Retriever Puppy yemi böyümənin mühüm mərhələsində körpənin immunitetini dəstəkləyir. Yüksək keyfiyyətli premium yem seçərək, siz nəinki vitaminlər üçün əlavə xərclərdən, həm də baytar həkiminə getməkdən özünüzü azad edirsiniz.

Əgər təbii qidalanmanın tərəfdarısınızsa, onda düzgün rasionu yalnız peşəkar baytar həkimi tərtib edə bilər. Ən vacib şərt – hazır yemi təbii ilə qarışdırmayın. Təmiz içməli suyun qızılı retriver üçün həmişə əlçatan olduğunda əmin olun. 

İti heç vaxt öz süfrənizdən bəsləməyin, çünki bu ciddi sağlamlıq problemlərinə səbəb ola bilər.  

• Təlimi

Qızılı retriver həmişə sahibini razı salmağa çalışan çox ağıllı bir cinsdir. Onlar çox yaxşı öyrədilə bilirlər və bütün əmrləri tez yadda saxlayırlar. Lakin golden retriver itin nüfuzlu bir sahibə ehtiyacı vardır, çünki zəif xarakterli insana çətin tabe olar. 

Yaxşı davranışı tərif və dadlı çərəzlər ilə gücləndirərək, kiçik yaşlarından itə itaət etməyi öyrədin. Heç bir halda aqressiya göstərməyin, bu, heyvanın psixikasına düzəlməz zərər verə bilər. 

Yeni yerlər, insanlar və səslər ilə tanış edərək, bala itin sosiallaşması ilə məşğul olun. 

Yetkin qızılı retriver üçün gündə ən azı iki saat aktiv məşqlər lazımdır. Lazımi fiziki və zehni yükün olmaması itin psixo-emosional vəziyyətinə ciddi şəkildə təsir edir.  

• Sağlamlığı

Golden retriever cins itləri yaxşı sağlamlıqları ilə fərqlənsələr belə, onlar tez-tez baytarlıq klinikasının ziyarətçisi olurlar. 

Cins ən çox gözün torlu qişasının degenerasiyası, bud-çanaq oynağının displaziyası və anadangəlmə ürək xəstəliyi kimi irsi xəstəliklərdən əziyyət çəkir. 

Dəri tərəfdən bu, allergiya və kəskin yaş dermatit (piotravmatik) ola bilər. 

Qulaqların quruluşuna görə bu itlər həmçinin otit xəstəliyinə meyllidirlər, bu səbəbdən itin qulaq gigiyenasına ciddi riayət etməlisiniz