Ru
Kane korso cinsin mənşəyi və tarixi
Əzəmətli görünüşə sahib olan kane korso cinsini görsəniz, onların romalı qladiatorlara oxşarlığına özünüz əmin olacaqsınız. Bu aboriqen it cinsinin italyan köklərinin olmasına baxmayaraq, bu itlər qədim tibet doglarından əmələ gəlib. Kane korso öz əzəmətliyini, gücünü və cəsarətini doq cinsindən irsən alıb. Cinsin adındaki “cane” sözü italyan dilindən “it” kimi tərcümə olunur. Lakin cinsin adındaki “corso” sözünün mənşəyi ətrafında hələ də mübahisələr davam edir. Corso sözü müxtəlif dillərdə gözətçi, divar, koqorta (qoşun dəstəsi), güclü, dözümlü, çəpərlənmiş sahə mənalarını daşıyır. Tərcümədə olan fərqliliyə baxmayaraq bu sözün hər bir mənası kane korsonu tam düzgün təsvir edir.
Kane-korso cinsi molos qrup itlərdən əmələ gəlib. Bu qrup itlərə doglar, mastiflər, fila brazileyro və digərləri aiddir. Moloslar qədimdə gözətçilər, cangüdənlər, döyüşçülər və çobanlar qismində istifadə olunurdular. Moloslar çoxfunksiyalı, cəsarətli və sadiq olduqlarına görə insanlar tərəfindən hər zaman çox dəyərləndirilirdilər. Karne korso itləri Qədim Roma İmperiyasında çox yayılmışdılar. Onlar aktiv şəkildə döyüşlərdə istirak edə və hərbi düşərgələrdə qulları və əsirləri qoruyardılar.
Kane korso haqqında lk yazılı xatırlama 14-15 əsrə aiddir. Lakin sözügedən itin təsviri daha qədim dövrünün qravülarında və digər incəsənət əsərlərində yer almışdır. Öz döyüşçü və gözətçi xüsusiyyətlərinə görə bu itlər həmçinin ikinci Dünya Müharibəsinin fəal iştirakçıları olmuşdular. Müharibə zamanı qidalanma və qulluq problemləri isə bi itlərin sayının kəskin azalmasına səbəb olmuşdur.
20 əsrin 80-ci illərində italyan professor Covanni Bonatti Nisolli kane korso it cinsinin yenidən canlanması üzrə fəaliyyətə başlamışdı. Bu cinsin safqanlı nümayəndələri həvəskarlar tərəfindən çətinliklə tapılmışdır. 1987-ci ildə kane-korsonun ilk rəsmi cins standartları təsdiqlənmişdir. İtaliyanın Kinoloqlar Assosiasiyası kane korso cinsini rəsmi olaraq 1994-ci ildə qəbul etmişdir. Beynəlxalq Kinologiya Assosiasiyası isə kane korso cinsini yekun olaraq 2007-ci ildə qəbul etmişdir.
Kane korso cinsin təsviri
Beynəlxalq standartlara uyğun olaraq kane korso cinsi aşağıda qeyd olunan xarici xüsusiyyətlərə malikdir.
- Bədəni/korpusu
Kane korso iti bədən quruluşu atletikdir. Korpusu möhkəmdir. Beli güclü və əzələlidir. Sağrı uzunsov və genişdir. Süysün tam ifadəli və sağrıdan daha hündürdür. Döş qəfəsi tam inkişaf olunmuş və dirsəyə qədər enmiş olur.
- Baş və kəlləsi
Kane korsonun başı iri və genişdir. Almacıq sümüyün uzunluğu genişliyinə bərabərdir. Alının ortasından dərin bir qırış keçir. İtin üzü kvadrat formasındadır və kəlləsi ilə 1:2 nisbətindədir. Üzün stopu tam ifadəli, qaşüstü qövslər aydın izlənilir. Burun düz və ucu qara rəngdədir. Dodaqlar cüzi sallanır və başaşağı çevrilmiş “U” hərifinə bənzəyir. Çənəsi çox möhkəmdir. İtin 42 dişi var. Dişləm quruluşunda 5 mm-dək assimetriya ola bilər. Düz dişləm forması ideal cins standartına ziddir. Boynun uzunluğu başın uzunluğuna bərabərdir.
- Gözlər
Kane korsonun gözləri oval orta ölçülü və bir az qabartılıdır. Gözlər geniş məsafə ilə yerləşir. Göz qapaqları gözlərinə tam yatır. İtin göz rəngi tünd çalarlarındadır.
- Qulaqlar
Kane korso itinin üçbucaq formalı qulaqları sallaqdır. Qulaqlar aralarında geniş məsafə ilə almacıq sümüklərin üstündə yerləşir. Əvvələr itin qulaqları bərabəryanlı üçbucaq formasında kəsilirdi. Hazırda standartlara uyğun olaraq bu cinsin qulaqları kəsilmir.
- Əl və ayaqlar
Kürəkcik və çiyinlər əzələlidir. Bazuönülər düz və möhkəmdir. Biləkləri elastik, əldarağı bərkdir. Qabaq ayaqları pişik ayaqları tipindədir. Budları uzun və genişdir. Baldırları vətərli və möhkəmdir. Dizləri bərk və itidir. Ayaqdarağı iri və vətərlidir. Arxa ayaqlar qabaq ayaqlardan kiçikdir. Kane korso iti yortma yeriyir.
- Quyruq
Kane korso quyruğu uzun və hündürlükdə yerləşir. Quyruq dib hissəsində genişdir. Hərəkət zamanı quyruq hündürlükdə olur və burulmur. Quyruq 4-cü fərəqədən kəsilirdi. Hal-hazırda kəsilmiş quyruq cinsin standartına uyğun deyil.
- Tük və rəngi
Kane korsonun tükləri qısa və parlaqdır. Az miqdarda alt tükləri mövcuddur. Kane korso itinin standartla təsdiqlənmiş rəngləri bunlardır:
- Klassik qara rəngli. Tam qara rəngdən əlavə kiçik ağ ləkəli (sinədə, üzündə yaxud da ayağında) variant da qəbul olunur.
- Boz rəngli. Boz rəngə birrəng boz, qurğuşun rəngi, asfalt rəngi, boz-mavi çalarlar aiddir. Boz-mavi rəngli kane korsoda daha açıq rəngdə burun ucu və buynuz təbəqəsinə rast gəlinir.
- Pələng rəngi. Bu tonun qara, sarı və qırmızı çalarları mövcuddur. Zolaqların standartı yoxdur.
- Kürən/qırmızı. Üç ton standart hesab olunur- kürən, pal rəngi və muruq.
- Fermentino (ərik rəngi). Bu ton özündə yumşaq ərik rəngini və üzdəki mavi-boz maskanı birləşdirir. Fermentino rəngli köpəklər mavi və ya boz rəngdə anadan olurlar.
Kane korsonun ağ rəngdə olması xoşagəlməz mutasiya nəticəsində yaranmış brak deməkdir. Ağ itləri seleksiya və yetişdirilməyə buraxılmırlar.
Kane korso necə seçilməli
Yetişdiricilərin məsləhəti ilə sağlam və safqanlı cins nümayəndəsini seçmək üçün qeyd olunan məqamlara diqqət etməlisiniz:
- Öncədən kane korso cins standartları və özəl xüsusiyyətləri ilə ətraflı tanış olmaq.
- Böyük sərgiləri ziyarət edib və heyvansevərlər dairəsindən etibarları yetişdiricilərin əlaqə nömrələrini almaq.
- Yetişdiricinin reputasiyası ilə tanış olmaq. Yetişdirici mərkəzinin hər hansı beynəlxalq cəmiyyətinin üzvü olub olmadığını dəqiqləşdirin.Yetişdirici mərkəzini ziyarət edib itlərin saxlanma şəraiti ilə tanış olun.
- Bir anadan çox sayda doğulan bala itlər arasından seçim etməyin. Ən ideal variant 6-8 bala iti olan ailədir. Səbəb isə odur ki, ana it çoxsaylı balalarını tam keyfiyyətli bəsləyə bilmir (10 bala itdən artıq olduqda).
- Aktiv və ətrafında hər şeydən maraqlanan bala iti seçin. Özünə güvənən bala kane-korsodan ideal cins nümayəndəsi böyüyə bilər. Passiv və hərəktsiz bala itin bud-çanaq problemləri ola bilər. Həmçinin belə sakit itdən yaxşı gözətçi böyüdə bilmərsiniz.
- Bala itin çəkisinə, göz, tük və dəri vəziyyətinə xüsusi diqqət edin.
- Həmçinin ana və ata itin xarici görünüşlərinə fikir verin və valideynlərin sənədlərini yoxlayın.
- Bütün lazımi peyvəndlərin vurulması və müayinələrin keçirilməsinə tam əmin olun.
Kane korso haqqında maraqlı faktlar
Fakt 1
Kane-korso rəsmi olaraq ən gənc it cinslərindəndir. Lakin bu cinsin formalaşması Qədim Roma dövründən başlamışdır.
Fakt 2
Kane korso cinsi-tibet mastiflərin/dogların xələfidir.
Fakt 3
Qədimdə İtaliyanın bəzi bölgələrində yalnız kane korso itləri mövcud idi.
Fakt 4
Bu it inanılmaz intuisiyaya sahibdir. Kane korso hələ baş tutmayan təhlükəni öncədən hiss edə bilər.
Fakt 5
İlk it yetişdirmə mərkəzi bu it cinslər üçün yaradılmışdır. İkinci Dünya Müharibəsindən sonra kane korso sayının bərpası üçün xüsusi mərkəz yaradılmışdır.
Fakt 6
Bu qladiator itləri İkinci Dünya Müharibəsi zamanı aktiv şəkildə döyüşlərə cəlb edirdilər.
Fakt 7
Mavi və “fermentino” rəngli kane korsolar daha çox allergiyadan əziyyət çəkirlər.
Fakt 8
Kane korso itinin ağtüklü olması, onun, yarışlardan və seleksiyadan məhrum etmək üçün əsasdır. Bu cins brakı hesab olunur.
Fakt 9
Öz vahiməli görünüşünə baxmayaraq yaxşı təlim almış kane korso hətta uşağlarınızın dayəsi də ola bilər.
Fakt 10
Bu şərəfli it cinsinin şəkili hətta italyan Di Corsi aristokratik nəslinin ailəvi herbində yer almışdır.
Kane korso cinsin xasiyyəti
Zəhmli görkəminə baxmayaraq kane korso itləri xasiyyətçə mehribandır. O, öz intellektual və yüksək öyrədilmə bacarıqları ilə tanınır. Bu itə düzgün yanaşma yolu tapa bilsəz, itin sizə və ailənizə olan sadiqliyi hədsiz olacaq. Səbəbsiz aqresiya kane corso cinsinə xas deyil. Bu itin özündən çıxması müstəsna hallarda baş verə bilər. İtalyan olmasına baxmayaraq, kane korso situasiyalara soyuqqanlı yanaşmaları ilə tanınır.
Kane korso cinsinin bütün genetik xüsusiyyətlərini tam inkişaf elətdirmək üçün gündəlik təlim və tərbiyə vacib bir şərtdir.
Kane korsonun ailə ilə münasibəti
Aldadıcı görkəminə baxmayaraq kane korso əsl ailəvi it ola bilər (gündəlik təlimlərin aparılması şərti ilə). Sahibinin öz avtoritetinin/nüfuzunun daim qorunması çox vacibdir. Bu it öz yaxınları və ailəsi üçün hər şey edə bilər, onları sonadək qoruyacaqdır. Ailə yığıncaqları və ailəvi aktiv istirahət kane korsonun tam ürəyincə olacaq.
Kane korsonun uşaqlarla münasibəti
Kane korso haqla uşaqlar üçün ən qayğıkeş dayə adını qazanmışdır. O, sahibini uşaqlara qısqanmır. Bu əzəmətli it uşaqlarınızı hər oyunda və dəcəllikdə dəstəkləyə bilər. Lakin oyun zamanı kane korso qəfildən uşağı bir az itələyə bilər. Bu səbəbdən itin uşaqlara qarşı olan sevgisinə baxmayaraq mütləq balarınıza itlərlə düzgün davranma qaydalarını izah edin.
Ailənin və uşaqların qorunması–kane korsonun genetik kodundadır.
Kane korsonun digər heyvanlarla münasibəti
Kane korso sahibini digər heyvanlara qısqanmır. Rəqabətin olmaması kane korso ilə ev heyvanları arasında isti münasibətləri təmin edir. Amma yenə də bu münasibətlər sahibin kane korsoya verdiyi düzgün tərbiyədən asılıdır.
Kane korsonun yad insanlar ilə münasibəti
Kane korso insanları özününki və özgələrə ayıra bilir. Lakin özgələrə qarşı açıq aqressiv hərəkətlər etmir. Kane korso qonaqları onun sahəsinə daxil olduqları vaxtından gedənədək tam diqqətlə müşahidə edir. İt onları sahibi ilə təkbətək qalmasına imkan verməyəcək. Yad insanların xoşagəlməz hərəkətləri zamanı kane korso öz narazılığını xəbərdadedici nərildəməklə bildirir. İtin ərazisinə hücum zamanı, o, çox sürətlə reaksiya verir. Kane korsonun çənələrinin möhkəm tutumu unudulmazdır.
Kane korsonun üstünlükləri
Kane korso bir sıra üstünlüklərə malikdir. Bu cins aşağıda qeyd olunan üstünlükləri ilə son illərdə böyük populyarlıq qazanmışdır.
Kane korsonun müsbət tərflərinə bunlar aid edilir:
- cinsin əzəmətli xarici görkəmi
- mükəmməl gözətçilik və qoruma xüsusiyyətləri
- sahibinə və ailəsinə sadiqliyi
- yetərincə sakit və soyuqqanlı olması
- zəkalı olması nəticəsində yüksək öyrədilmə bacarığı
- tüləmə və xoşagəlməz iy problemlərin olmaması (qısa tükləri və az miqdarda alt tüklərinin olması sayəsində)
- yüksək qulluğa ehtiyacının olmaması
- mənzildə saxlanılması imkanı
Kane korsonun mənfi tərəfləri
Kane korso cinsinin bəzi mənfi özəllikləri də mövcuddur. Bu özəlliklərlə öncədən tanış olmağınız məsləhət görülür:
- cinsin yüksək qiyməti
- it üçün gündəlik təlimlərin keçirilməsi (təcrübəsiz sahiblər çox zaman peşəkar təlimçilərə müraciət edir)
- yüksək keyfiyyətli rasionun xərcləri. Bu aktiv it cinsi zülal ilə zəngin rasionla qidalanmalıdır.
- Sağlamlıq özəllikləri (bud-çanağın displaziyası, göz qapağının burulması və s.).
Kane korso nə yeyir
Kane korsonun yemlənməsi məsuliyyətli yanaşma tələb edir. Əsl italyan olaraq kane korso ağzının dadını biləndir. Öncədən siz itinizin yemlənmə tipini müəyyənləşdirməlisiniz. Bu ya evsayağı çiy bəslənmə yaxud da hazır yemlər ilə qidalanma ola bilər.
Hazır yemin danılmaz üstünlüklərindən biri onun tam balanslı (zülal, yağlar, karbohidratıar və kalori) olmasıdır. Fabrik yemin formulası üzərində geniş profilli mütəxəssislər çalışır. Bunlara baytarlar, nutrisioloqlar, diyetoloqlar, hətta təlimçilər və yetişdiricilər də aiddir. İt üçün premium yemlər (Royal Canin, Monge, ProPlan və s.) iri cins itlərin özəlliklərini tam nəzərə alırlar. Aktiv kane korsonun rasionu yüksək miqdarda zülallar ehtiva etməlidir. Lakin bu zülallar bitki deyil, heyvan mənşəli olmalıdır. Premium yeməklərin istehsalçıları zülal mənbəyi olaraq müxtəlif quş, qaban,çöl dovşanı, maral, ferma ət növləri, omeqa ilə zəngin balıqlar və digər ət növlərindən istifadə edirlər. Kane korso üçün it yemi həmçinin müxtəlif faydalı qida əlavələri ehtiva etməlidir. Bunlara sümük üçün kalsium və vitamin D, oynaq və qığırdaqlar üçün glukozamin və xondrotin aiddir. Bir sıra premium it yemlərin tərkibində prebiotiklər də yer alır. Onlar allergiyaya meyilli və həzm pozulmasından əziyyət çəkən itlər üçün əvəzolunmazdır. Kane-korsonun rasionuna müxtəlif dadlı çərəzlər də əlavə edə bilərsiniz. Onlar təlim zamanı motivasiya üçün, çənə əzələlərinin inkişafı üçün istifadə olunur. Bundan əlavə dadlılar orqanizmi (məs., sümüklər və oynaqlar üçün) bir sıra faydalı maddələrlə təmin edir.
Kane korsonun təlimi və tərbiyəsi
Öncədən qeyd etdiyimiz kimi kane korso heç də təcrübəsiz heyvansevərlər üçün deyil. Bu it cinsinin saxlanılması üçün tərbiyə və təlim qaydalarının ciddi riayət edilməsi vacibdir. Mükəmməl cins nümayəndəsinə sahib olmaq üçün sizdən gündəlik təlimlər və ruh gücü tələb olunur. Çünki düzgün tərbiyə almamış kane korso aqresiv və idarə olunmayan itə çevrilir.
Diqqət: Kane korso yalnız avtoritetini/nüfuzunu qoruyan sahibi ilə sadiq və yaxın münasibət quracaq.
Kane korsonun sosiallaşdırması və tərbiyəsi kiçik vaxtından başlanmalıdır. İtin hər böyümə mərhələsi heyvanın psixoemosional inkişafından asılı olaraq bir sıra özəllikləri ilə təsvir edilir.
Kona korso cinsinin böyümə etapları
Neonatal dövr: doğulandan 2 həftəyədək
Bu dövrdə bala it tam anasından asılıdır və ətraf mühiti təzəlikcə dərk etməyə başlayır. Bütün biliklərini anasından əldə edir. İtin duyma orqanları inkişaf edir, köpəyin koordinasiyası hələ zəifdir.
Erkən sosiallaşma 4-8 həftəyədək
Bala it təzəlikcə iyerarxik münasibətləri dərk etməyə başlayır. O sürüdə öz yerini anlamağa çalışır. Bacı və qardaşların üzərində çənəsinin gücünü yoxlayır. Bu dövrdə bala itlər liderlik xüsusiyyətlərini göstərə bilərlər. Anasından kötək alan bala itin qorunma bacarığı da inkişaf edir.
Sosiallaşma (qorxuların yaddaşda saxlanılması) 8-12 həftəyədək
Bu dövrdə bala kane korso iti anasından ayırılır və sərbəst həyatına başlayır. O yeni sahiblərə malik olur və bu dövrdə bala itin qorxuları da artır. Bu zaman itin düşdüyü stresli hallara sahibinin düzgün reaksiyası və dəstəyi vacib rol oynayır. Bu dəstək itin yaddaşında xoşagəlməz qorxuların saxlanılmasının qarşısını alır. Bala itin qabağına çıxan problemlərin onun tərəfindən həll etməsinə motivasiya vermək lazımdır. Bu halda itin lider xüsusiyyətləri yetərincə inkişaf edir.
Dərəcəsinin/rütbəsinin müəyyən edilməsi 12-24 həftəyədək
Bu dövrdə süd dişlərinin dəyişilməsi baş verir. Bala itin anası ilə arasında olan bağlar tam kəsilir. Kane korso müstəqilliyini nümayiş etdirir və özgüvəni də artır. Bu zaman sahibinin nüfuzunun itirilməməsi vacib bir şərtdir.
İtin cinsi yetişməsi 6 aydan 1 yaşadək
Kane korsonun orqanizmində baş verən hormonal dəyişiklik birbaşa onun emosional halına təsir edir. İtaətliyi xeyli azalır və sahibinin komandaları yerinə yetirilmir. Bu dövrdə it sahibi çox səbrli olmalıdır. Bu dövdə “itin tanıdığı əşyalara qarşı əsassız qorxu” fenomeni də baş tuta bilər. Bu halda it qorxduğu əşya ilə qarşılıqlı əlaqə qurmaq məqsədilə düzgün motivasiya olunmalıdır. Kane korso özü əmin olmalıdır ki, qorxuları üçün heç bir əsas yoxdur.
Yetkinlik dövrü 1 yaşdan 4 yaşadək
Bu mühüm dövrdə kimin lider mövqəyinin tutması bəlli olur. İtə qarşı aqressiv hərəkətlərdən və həddindən çox cəzalandırmadan uzaq olun. Bu hallarda itinizi zamanla qorxaq, zəif və zəlil , yaxud da tam əksinə çox konfliktli və aqressiv edəcəksiniz. Bu əsl döyüşçü ilə diplomatik yanaşma ilə münasibət qurmalısınız. Daimi konflikt etmək itinizin marağında olmamağını təmin etməlisiniz.
Diqqət: Tərbiyə və təlim zamanı hansısa problemlərlə qarşılaşırsınızsa, peşəkar təlimçiyə müraciət etməyiniz daha məqsədəuyğundur. Nəzərə alın ki, itinizin xasiyyəti 50% onun genlərindən, 50% isə onun təlim və tərbiyəsindən asıllıdır.
Kane korso cinsinə necə qulluq edilməli
Kane korso itinə qulluq etmək heç də çətin iş deyil. Bir neçə şərtlərə əməl etməklə bu cins həm həyət evində, həm də mənzil şəraitində özünü rahat hiss edəcəkdir. Bu iti evin həyətində saxlayırsınızsa, nəzərə alın ki, bu cinsin tükləri İtaliyanın isti iqliminə uyğundur. Buna görə də, yaşadığınız ərazinin iqlimi soyuqdursa, soyuq havada iti isinən bir yerə yerləşdirməyiniz gərəkdir. Kane korso cinsini mənzildə saxlamaq fikrindəsinizsə, iti əvvəlcədən ona aid sahə ilə tanış edin. Bura yem qəbulu, tualet, dincəlmə/yatma (bunun üçün xüsusi yataq əldə etmək olar) yerləri nəzərdə tutulur. İlk zamanlar bala it xüsusi əskilər üzərinə tualetə getməyi öyrənir, sonradan isə itiniz tualet ehtiyaclarını gəzintilər zamanı ödəməlidir.
Kane korsonun gəzdirilməsi оnun qulluğunun əsas şərtlərindən biridir. Kane korso aktiv itlərdir və onların fiziki vəziyyətinin lazımi səviyyədə saxlanılması çox vacibdir. Onları səhər tezdən və axşam minimal 1 saat gəzdirmək lazımdır. Gəzinti aktiv şəkildə müxtəlif oyunlarla həyata keçirilməlidir. Bunun üçün xüsusi it oyuncaqlarından istifadə edə bilərsiniz. Onlar həm itin zəkasını, həm də fiziki formasını dəstəkləyirlər.
Kane korsonun gigiyenası
Kane korsonun gigiyenik baxımı bunları ehtiva edir:
- Çimizdirmə
Kane korsonu ayda 1 dəfə yumaq məsləhət görülür, çünki bədən piyi qoruyucu funksiyanı daşıyır. Tüklər tez-tez yuyularsa qoruyucu piy təbəqəsi pozulur və qısa zamanda özünü bərpa edə bilmir. İti yuyanda qısatüklü itlər üçün şampundan istifadə edin. İt özünü çirkləndirsə təmizləyici nəm salfet də köməyinizə çatacaq. Bi italyan itlərin tüləməsi ildə 2 dəfə baş verir. Bu dövrdə itinin tüklərini hər gün darayın, digər dövrlərdə isə həftədə 1 dəfə kifayət edər.
- Göz və qulaqların təmizlənməsi
Kane korso cinsinin gözləri onun zəif nöqtəsidir. Onları xüsusi süd və losyonlarla daimi təmizləmək lazımdır. İşıqdan çəkinmə, gözlərin qıyması, gözün kənarında əmələ gələn çəhrayı rəngdə törəmə kimi əlamətlər baytara müraciət üçün əsasdır.
Kane korsonun sallaq qulaqları havalandırılmalı və dərindən təmizlənməlidir. İtin qulaqları xüsusi damcılar və losyon vasitəsilə təmizlənir.
- Caynaq kəsimi
Kane korsonun caynaqları 2-3 həftədən bir kəsilməlidir. Həddindən artıq uzun dırnaqlar itin normal yerişinə maneə törədəcək. İtin caynaqlarının uzunluğu elə olmalıdır ki, yerə dəyməsin.
- Diş təmizlənməsi
Kane korsonun dişləri həftədə 1-2 dəfə təmizlənməlidir. Bu müddətə dişin üzərindəki ərp tam bərkimir. Dostunuzun dişləri it üçün xüsusi fırça və məcun vasitəsilə təmizlənməlidir. İtinizin dişlərini insan üçün nəzərdə tutulmuş məcunlarla qətiyyən təmizləməyin. İnsan üçün olan məcunların tərkibi heyvan üçün olan məcunların tərkibindən fərqlidir. İnsan üçün zərərsiz hesab olunan maddələri itiniz üçün toksik/zəhərli ola bilər.
Ağız boşluğunun gigiyenasını təmin etmək üçün it üçün yaxalayıcı və stomatoloji çərəzlər də əldə edə bilərsiniz.
Kane-korsonun sağlamlığı
Kane korso cinsi öz fizioloji özəlliklərinə görə bir sıra genetik xəstəliklərə meyilli olur. Kane korso cins itlər arasında yayılmış xəstəliklər bunlardır:
- Oftalmoloji xəstəliklər
Bunlara makroblefaron, ektropion (alt göz qapağının çevrilməsi), konyuktivit, prolaps (göz yaşı vəzin düşməsi), tor qişasının atrofiyası, xroniki eroziya aid edilir. İtinizdə gözləri qıyma, işiğa qarşı həssaslıq, qızartı, quruluq, göz yaşlarının gəlməsi kimi oftalmoloji xəstəliklərin simtompları olarsa, mütləq baytara müraciət etməlisiniz. Kane korso gözlərinin vaxtı vaxtında profilaktik müayinədən keçirilməsi çox vacibdir.
- Oynaq xəstəlikləri
Bud-çanaq oynağın displaziyası zamanı bud sümüyü çanaqa tam oturmur. Bu isə ağrı və axsaqlığa gəlib çıxarır. Xəstəliyin simptomları: axsaqlıq, qalxmaq problemi, spesifik yeriş, fiziki fəaliyyətdən sonda kəskin ağrılar və s. Dirsək oynağın displaziyası dirsək oynağın anormal inkişafı ilə xarakterizə olunur. Bu hal gələcəkdə osteoartritin erkən inkişafı ilə nəticələnir.
- Kardiomiopatiya (ürək xəstəliyi)
Bu xəstəlik zamanı ürək əzələsi həddindən artıq böyüdülmüş və zəiflənmiş olur. Ürək bu zaman qanın damarlarda cərəyanını təmin edə bilmir. Bu xəstəlik xroniki yorğunluq, iştahın itirilməsi, nəfəs problemi, öskürək (gecə ya fiziki fəaliyyətdən sonra) və xəstəliyin son ağır mərhəhələrində huşunu itirmə və kollaps kimi sipmtomlar ilə xarakterizə edilir.
Kane korsonun ürək və oynaq xəstəliklərinə meyilli olduğunu nəzərə almaq lazımdır. Belə ki, onların rasionunda sağlam qidalanma prinsiplərinə riayət etmək və müalicəvi yemlər ilə itin optimal çəkisini qorumaq vacib şərtlərdən biridir.
