Royal Canin Renal Pişik üçün xroniki böyrək çatışmazlığında baytarlıq pəhrizi, mal əti ilə nəm yem, 85 q

Royal Canin Renal Pişik üçün xroniki böyrək çatışmazlığında baytarlıq pəhrizi. Yetkin pişiklər üçün tam rasionlu nəm yem kəskin və ya xroniki böyrək çatışmazlığında böyrək funksiyasını qorumaq üçün nəzərdə tutulub. Mal əti ilə. Məhsul formulu xroniki böyrək çatışmazlığında böyrək funksiyasını dəstəkləmək üçün xüsusi olaraq hazırlanmışdır. Tərkibində fosforun miqdarı azdır, antioksidantlar, EPA və DHA yağlı turşular daxildir. Xroniki böyrək çatışmazlığında böyrəklər fosforu düzgün şəkildə çıxarma qabiliyyətini itirir. Məhsuldakı az fosfor miqdarı xəstəliyin inkişafını ləngidir. Uyğunlaşdırılmış balıq yağı tərkibli (EPA və DHA əsas yağlı turşular mənbəyi) pəhriz yem ilə bəsləndikdə, yumaqcıqlı filtrasiyasının sürəti artır. Böyrəklərin həddindən artıq yüklənilməsi uremik böhrana səbəb ola bilər. Yüksək keyfiyyətli və uyğunlaşdırılmış zülal tərkibi böyrəklərə yükü azaltmağa kömək edir. Yemdə olan zülal miqdarı minimum tələbləri əhəmiyyətli dərəcədə aşırsa, böyrəklərin ifrazat funksiyası azalaraq, azot parçalanma məhsulları bioloji mayelərdə toplanır. XBÇ metabolik asidoza səbəb ola bilər, buna görə tərkibinə qələviləşdirici maddələr daxildir. Böyrəklər turşu-qələvi balansının qorunmasında mühüm rol oynayır. Böyrəklərin funksiyasının pozulması, hidrogen ionlarını çıxartma və bikarbonat ionlarının reabsorbsiya edilmə qabiliyyəti azalır və buna görə metabolik asidoz riski yüksəlir. Xroniki böyrək çatışmazlığı olan heyvanlarda iştahasızlıq, qida dözümsüzlüyü və anoreksiya olduqca tez-tez müşahidə olunur. Xüsusi hazırlanmış ətir profili, pişiyin xüsusi dad üstünlüklərini təmin etməyə kömək edir. 

Göstərişlər: xroniki böyrək çatışmazlığı, böyrək funksiyası pozulmuş pişiklərdə kalsium oksalat daşının yaranmasının qarşısının alınması, sidik pH səviyyəsinin azalması nəticəsində yaranan urolitiyazın (urat, sistin) təkrar yaranmasının qarşısının alınması.

Əks göstərişlər: hamiləlik, laktasiya, böyümə.