Ru
Meyn-kun (Maine coon) pişiyi haqqında məlumat
Bu əzəmətli görünüşün arxasında inanılmaz dərəcədə bir yumşaq qəlb gizlənir. Əsl nağıl qəhrəmanına bənzəyən (meyn-kun pişiyi) haqqında daha da maraqlı əfsanələr gəzir. Böyük ölçülərinə baxmayaraq, bu pişiklər aqressivliyə tamamilə yad olan təbii zərifliyə malikdirlər. Ağıl və fərasətliliyin birləşməsi cinisi insan emosiyalarına qarşı çox həssas edir. Buna görə də pişiklər hər zaman öz sahiblərinə düzgün yanaşma tapmağı bilirlər.
Meyn-kun (Maine coon) pişiyinin xasiyyəti
Мeyn-kun pişiyi evdə qarmaqarışıqlıq yaratmayan olduqca sakit pişiklərdir. Təmkinli bir temperament soyuqluq və uzaqlıq kimi səhv təəssürat yarada bilər. Lakin ev pişiyi öz adamlarına öyrəşən kimi çox mehriban və sadiq bir dosta çevrilir.
Ailədə bu ev pişiyi daha çox bir insana bağlanır və onu hər yerdə izləyir. Lakin sahibi ilə münasibətdə maine coon pişiyi daha çox itə bənzəyirlər: sığallanmağın yerinə onlar sahibinin ayaqları altında rahat oturmağa və ya yanında uzanmağa üstünlük verirlər.
Ev pişiyi evdəki qonaqlara öyrəşənə qədər qəsdən onları vecinə almaya bilər. Ancaq heyvanlarla bu pişiklər çox yaxşı anlaşırlar.
Görkəmli maine coon pişiyi oynamağa və aktiv vaxt keçirməyə hər zaman hazırdırlar, lakin gündüz yuxusundan heç vaxt imtina etməzlər. Cinsin enerji zirvəsi beş yaşa qədərdir, bundan sonra o, bir qədər passiv və ləng bir ev heyvanına çevrilməyə başlayır.
Bu əzəmətli cinsin miyovuldaması da özünəməxsusdur: ölçülərinə görə qeyri-adi olan nazik səs bir az təəccübləndirə bilər.
Əksər pişiklərdən fərqli olaraq bu cins suyu sevir.
Meyn-kun pişiyinin fiziki xüsusiyyətləri
- Bədəni
Maine Coon pişiyi ölçüsü ortadan böyüyə qədər dəyişir. Əzələ kütləsi yaxşı inkişaf etmişdir. Sinəsi genişdir. Uzunsov bədəni yaxşı balanslaşdırılmış düzbucaqlı yaradır.
Dişilərin çəkisi 4 ilə 7,5 kq, erkəklərin çəkisi 7 ilə 12 kq arasında dəyişir.
- Baş və kəlləsi
Orta enli, uzunluğu bir qədər uzunsov. Almacıq sümükləri yüksəkdir. Kvadrat burun başın qalan hissəsi ilə mütənasibdir. Çənəsi güclüdür. Başı yan tərəfdən bir qədər batıqdır.
- Gözləri
Böyük və ifadəli gözləri geniş yerləşibdir. Forması ovaldır. Qulağın xarici əsasına doğru əyilmişlər. Мeyn-kun pişiyi göz rəngi yaşıl, qızılı, yaşıl-qızılı və ya mis rəngdə ola bilər. Ağ xallı və ya ikirəngli (van rəngi daxil olmaqla) pişiklərdə mavi və ya fərqli göz rənglərinə rast gəlinə bilər.
- Ayaqları
Güclü ayaqları geniş yerləşiblər. Orta uzunluğu bütün bədənə mütənasibdir. Ön ayaqları düzdür. Arxa ayaqları arxadan düz görünür. Tüklü pəncələri böyük və yuvarlaqlaşdırılmışdır. Ön pəncələrində beş, arxa pəncələrində isə dörd barmağı vardır.
Pişiyin caynaqları çox sürətlə böyüyür, buna görə də həftədə bir dəfə kəsilməlidir. Həmçinin Maine coon pişiyi üçün caynaqyonan ala bilərsiniz.
- Quyruğu
Uzundur, əsası genişdir. Qalın uzun tük ilə örtülüb, alt tük örtüyü suyadavamlıdır.
- Qulaqları
Böyükdür, əsası genişdir, ucları isə itidir. Qalın tük ilə örtülüb və bu cinsə xas "fırçaları" vardır.
Meyn-kun pişiyi qulaqları vaxtaşırı xüsusi vasitə ilə təmizlənməlidir.
- Tükü
Ağır və qalındır. Çiyinlərdə qısa, qarın və "şalvar hissəsində" uzundur. Gözəl "yaxası" var. Tük örtüyü hamar və ipəkdir.
Onun tükünü həftədə 2-3 dəfə xüsusi daraq ilə darayın. Tüləmə dövründə daha tez-tez baxım tələb olunacaqdır.
Maine coon pişiyi 3 həftədən 1 çimdirin.
- Rəngi
Şokolad, bənövşəyi, kolor-point, abissin tabbi və ya onların ağ ilə birləşmələri istisna olmaqla, istənilən rəng qəbulolunandır.
Meyn-kun pişiyi üçün qulluq və qayğı
- Yemlənməsi
Ev pişiyi böyük oynaqlarının sağlamlığına da diqqət yetirəcək zülalda yüksək balanslı bir rasiona ehtiyac duyur. Royal Canin Maine Coon bu pişik cinsinin xüsusiyyətlərinə əsasən hazırlanıb. Əzələ kütləsini və skelet gücünü qorumaqla yanaşı, məhsulun formulu ürək fəaliyyətini də yaxşılaşdırır.
Meyn-kun pişiyi təbii qida ilə bəsləmək qərarına gəldinizsə, onu yalnız baytar həkimi düzgün tərtib edə bilər. Təbii qidalanmanı "öz süfrənizdən yedizdirmək" ilə səhv salmayın! Unutmayın ki, təbii qida keyfiyyətli yemdən həmişə daha ucuz demək deyil.
Təmiz və içməli suyu ev heyvanınız üçün daim əlçatan edin.
- Təlimi
Meyn-kun pişiyi olduqca ağıllı pişiklərdir. Digər cinslərdən fərqli olaraq, onlar caynaqyonan və tualet təlimini asan keçirlər. Mükəmməl yaddaşlarına görə bu pişiklər əsas əmrləri tez öyrənirlər.
Unutmayın ki, hər pişikdə instinktlərinə azadlıq verməli olan bir ovçu var. Öz sahəsi olan fərdi ev cinsin sərbəst gəzməsi və yeni yerləri kəşf etməsi üçün ideal yer olacaqdır.
Bina evi şəraiti də dövrümüzdə maneə deyil. Müxtəlif oyun kompleksləri, ipli oyuncaqlar və toplar qaynayan pişik enerjisini cilovlamaq üçün nəzərdə tutulubdur.
Maine Coone pişiyi xalta qayışı ilə gəzdirilməsi də nadir hall deyil.
- Sağlamlığı
Meyn-kun pişiyi möhkəm sağlamlığı ilə seçilir. Lakin bütün təmiz cins pişiklər kimi, meynlər arasında da bəzi irsi xəstəliklər meydana çıxa bilər.
Ürək əzələsinin qalınlaşması ilə müşayiət olunan hipertrofik kardiomiopatiya.
Şiddətli ağrı və axsaqlıq ilə özünü göstərən çanaq-bud onurğasının displaziyası.
Spinal əzələ atrofiyası 12 həftəlik yaşda özünü göstərir. Heyvan yüksək halsızlıq, əzələ zəifliyi və titrəmə (tremor) hiss edir. Xəstəlik müalicə olunmur.
Meyn-kunda böyrək polikistozu da rast gəlinir.
