Pişiklər üçün qurd dərmanı

Təəssüf ki, sevimli pişiklərimiz tez-tez xoşagəlməz parazitlərin hücumuna məruz qalır. Bu parazitlərə nəinki gözlə görünən xarici/ekzoparazitlər (bit, birə və gənə), həmçinin daxili orqanlarında məskunlaşan daxili parazitlər (qurdar) də aiddir. Ev heyvanı sahibi düzgün müalicə üsulunu seçdiyi halda, müsbət nəticə ala biləcəkdir. İlk olaraq pişikdə qurd olmağının əlamətlərinə nəzər salaq.

Pişikdə qurd əlamətləri (simptomları)

Qurd əlamətləri açıq və ya gizli ola bilir. Hər qrup simptomları ilə ayrılıqda tanış olmağınız vacibdir.

Pişikdə qurd olmağının əsas açıq simptomları:

• Qurd fraqmentlərini ehtiva edən nəcis və ya qusuntu
• Mədə-bağırsaq problemləri (qəbiz, köp, qusma, ishal və s.)
• Pişiyin anal nahiyəsində narahatlıq və qaşıntı. Bu halda pişik o nahiyəni daim yalayır və ya qəribə şəkildə sürtünərək yeriyir
• Halsızlıq, oyunlardan və digər aktiv məşğuliyyətlərdən imtina
• Yeməkdən imtina və ya iştahanın azalması
• Çəkinin azalması (əsasən də həmişəki yem porsiyasını yediyi halda)
• Qan azlığının simptomları (qurdlar pişiyin qanını sovurarak anemiyaya səbəb ola bilir)

Pişikdə qurd olmağı bəzən gizli simtomlarla aşkar oluna bilər. Helmint invaziyanın gizli əlamətləri: yeməsiz əşyaları yemək cəhdi; tük örtüyün solması və biz-biz durması; susuzlama; gözün iltihablaşması; öskürək;  yuxusuzluq (əsasən gecələr), allergiya əlamətləri; bala pişiyin inkişafdan qalması; səbəbsiz tüləmə və s.

Qurd dərmanı seçimi

Zooməhsullar bazarı kifayət qədər pişiklər üçün qurd dərmanı çeşidini nümayiş etdirir. Pişik üçün qurd dərmanının forması (teksturu) heyvanın yaşı, həyat dövrünə və ya helmintozun gedişatına əsaslanaq seçilməlidir. Pişik qurd dərmanı seçimi edirsinizsə, preparatların buraxılış formaları ilə tanış olmalısınız: tablet/həblər, maye forması (sirop, məcun), damcılar, inyeksiyalar/iynə.

Pişiklər üçün qurd həbi

Geniş təsir spektrinə malik olduğu üçün lentli və yumru helmintlərə qarşı çox effektivdir. Üstünlüklərdən biri də dərman dozasının rahatlıqla hesablanmasıdır. Pişiklər üçün qurd tableti həm də maddi tərəfdən sərfəlidir. Bu arada, KRKA brendinin Milprazon qurd əleyhinə dərmanı öz effektivliyi (hətta ürək qurdlarına qarşı) ilə tanınır və sevilir Mənfi tərəfi isə bəzi pişiklər tərəfindən qəti yeyilməməsidir.

Pişiklər üçün qurd əleyhinə sirop və ya məcun

Maye formasında pişik qurd dərmanı bala pişiklər və ya az çəkili heyvanlar üçün idealdır. Sirop və ya  məcun xüsusi dozator-şpritslə təqdim olunur və çox vaxt cəlbedici dada malik olur. Dozator vasitəsilə maye qurd dərmanı rahatlıqla pişiyə verilir. Mənfi tərəfi isə dərman dozasının bir hissəsinin ağızdan tökülməsi riskidir. Nəticədə qurd tabletinin effektivliyi də azalır.

Pişiklər üçün qurd əleyhinə damcılar

Sözügüdən pişiklərdə qurd əleyhinə dərman tablet və ya maye dərmanları udmaqdan imtina edən heyvanlar üçün əlverişlidir. Nexgard qurd damcısı heyvanın süysün nahiyəsində tətbiq edilir. Bu damcılardan istifadə etdiyiniz zaman pişiyinizə heç bir stres yaşatmayacaqsınız. Preparat öz kompleksli təsiri sayəsində həm daxili, həm də xarici parazitlərlə mübarizə aparır.

Pişiklər üçün qurd əleyhinə iynə (inyeksiya)

İnyeksiya formasında olan pişiklərin qurd dərmanı ən güclü hesab olunduğu üçün ən ağır helmintozda istifadə olunur. İnyeksiya çox sürətli formada təsirini göstərir, lakin ev heyvanınıza da daha çox toksik təsir göstərir. Antihelmint iynənin təsir spektri daha zəifdir, çünki o, əsasən yumru helmintləri məhv edən aktiv maddədən ibarət olur.

Qurd dərmanından düzgün isifadə

Qurd dərmanından düzgün istifadə deyildikdə dərmanın doğru tətbiqi və uyğun dozasının seçimi nəzərdə tutulur.

Qeyd: Qurdlar əleyhinə müalicəyə başlamazdan öncə pişiklər üçün bit, birə və gənəyə qarşı preparatlar tətbiq olunmalıdır. Səbəbi isə bit birə kimi parazitlərin pişiyi təkrar olaraq qurdlarla yoluxdura bilməsidir.

Pişiklər üçün qurd həbi (tableti) dadlı nəm pişik yemi və ya çərəz ilə qarışdırılıb verilə bilər. Bunun üçün pişiyi sabitləşdirin və ağzının açılması üçün qıraq hissəsini sıxın. Bundan sonra tableti dilin dibinə yerləşdirib və ağzını bağlayıb başını yuxarıya qaldırın ki, dərmanını udsun. Pişik üçün qurd əleyhinə siropu vermək üçün şpritsi dişarası məsafədən ağza püskürdün. Siropu yavaşca püskürdün ki, heyvan tam posiyanı uda bilsin. Pişik üçün süysün damcılarını heyvanın boynu arxasına vurulur. Heyvanı sabitləyin və boynun arxasındaki tükləri aralayıb damcını təmiz dəriyə vurun. Heyvanın dərisində heç bir zədə olmamalıdır. Təhlükəsizlik baxımından emal olunmuş heyvana 6-8 saat toxunmayın və heyvanı balaca uşaqlardan uzaq tutun.

Vacibdir: Süysün damcılarından istifadə etməzdən öncə pişiyinizi 3 gün əvvəl və sonra çimdirməyin.

Qurd əleyhinə iynələrin ev şəraitində tətbiqi isə yolverilməzdir. Bu preparatlar yalnız baytar həkiminin ciddi nəzarəti ilə vurulmalıdır. Doza hesablanmasında səhvə yol verilərsə, pişik güclü zəhərlənə bilər.

Xülasə

Pişiyinizin qurd əleyhinə müalicənə və profilaktikasına laqeyd yanaşmayın. Pişik təmiz ev şəraitində yaşasa da, yoluxma riskləri tam aradan qaldırılmır. Çünki qurd sürfələri ayaqqabımızın dabanında evə gətirilə, ağcanaqanadların dişləməsi zamanı isə birbaşa heyvanın orqanizminə düşə bilər. Qurd invaziyası (əsasən ürək qurdarı – Dirofilyarioz əleyhinə) bəzən ölümlə nəticələ bilər.

Heyvanınızı qorumaq üçün ən təsirli pişiklər üçün qurd dərmanını isə onlayn zoomağaza Bakı saytımızdan əldə edə bilərsiniz.