Bala itlər üçün eksklüziv dəst

Bala itlər üçün eksklüziv dəst mütəxəssislərimiz tərəfindən heyvanın əsas ehtiyacları nəzərə alınaraq hazırlanıb. Bu dəsti əldə etməklə nəinki büdcənizə qənaət edəcəksiniz, həm də siyahıdakı bütün məhsulları ayrıca axtarmağa vaxt və enerji sərf etməyəcəksiniz. Beləliklə, balaca dostunuzun yeni evə adaptasiyasına daha çox vaxt ayıra biləcəksiniz.

Bala itlər üçün eksklüziv dəstə aşağıdakılar daxildir:

1. Acana Grasslands super-premium quru it yemi (quzu və ördək əti ilə). Tərkibi 70% ət inqrediyentlərindən, 30% isə tərəvəz, meyvə və digər faydalı bitkilərdən ibarətdir.
2. Zülal mənbələri (hinduşka əti, bulyon və əlavə ət məhsulları) ilə zəngin Animonda premium it konservi. Tərkibində sağlam və parlaq tük örtüyünü dəstəkləyən faydalı qızılbalıq yağı mövcuddur.
3. Yemək və su üçün təhlükəsiz paslanmayan poladdan hazırlanan iki ədəd Beeztees yem qabı. Qablar asan yuyulur və özündə qoxu saxlamır.
4. Beeztees yumşaq kenquru oyuncaq. Bala itin adaptasiya dövründə narahatlığını və aqressiyasını azaldır.
5. Dörd müalicəvi bitkidən hazırlanmış bit, birə və gənələrə qarşı Veda it şampunu.
6. Yüksək hopdurma qabiliyyətinə malik yumşaq Beeztees gigiyenik altlıqlar. Bala itin tualetə öyrəşdirilməsini daha rahat edir.
7. İtlər üçün spirtsiz və parabensiz Beeztees nəm salfetləri. Tərkibinə çobanyastığı, aloe vera, şi yağı və xiyar ekstraktı kimi sakitləşdirici komponentlər daxildir.
8. Gigiyenik altlıqlar üçün sürüşməyən Beeztees it tualeti. Altlıqlar xüsusi çərçivəyə bərkidilir. Bunun sayəsində əskilər bükülmür və yerindən tərpənmir.
9. Bala iti tualetə öyrətmək üçün xüsusi Beeztees təlim damcıları. Tərkibində təbii efir yağları var.
10. Beeztees ikitərəfli daraq. Bir tərəfində yuvarlaqlaşdırılmış dişlər ilə masaj darağı, digər tərəfində isə tüklərə parlaqlıq bəxş edən yumşaq fırça yerləşir.