Pişik satışı. Pişik alarkən nələrə diqqət etməlisiniz?

Sizi təbrik edirik, pişik sahibi olmaq qərarına gəldiniz. Növbəti və ən vacib mərhələ isə pişiyi haradan, kimdən və necə almaq suallarına cavab tapmaqdır. Pişik almaq göründüyü qədər asan mərhələ deyil. Siz həm sizə uyğun cins (pişik cinsləri səhifəsinə link ver) seçimində və eləcə də pişik satıcısı seçimində yanılmamalısınız.

Pişik alışı zamanı bir çox xoşagəlməz məqamlarla qarşılaşa bilərsiniz.  Buna görə də öncədən pişiklərin satış üsulları və pişik alışı zamanı nələrə diqqət etməli olduğunuzla bağlı ətraflı tanış olmağı tövsiyə edirik.

Pişik satışının üsulları

Pişiyə sahib olmaq üçün bir neçə üsul var:

• Yaxın ətrafdan pişik götürmək
• Pişik sığanacağından və ya küçədən pişik sahiblənmək
• Sosial şəbəkələr və elan saytlarından pişik almaq. Bu zaman sizin qeyri-peşəkar satıcılara rast gəlməniz ehtimalınız çoxdur.

İlk olaraq ənənəvi üsullarla ətrafınızda olan və tanıdığınız heyvan sahiblərinin pişikləri haqqında məlumat əldə edə bilərsiniz. Ehtimal var ki, onların yenicə balalamış və ya hamilə pişikləri var. Onların balalarından götürməklə siz pişiyin genetikası və sağlamlıq vəziyyəti ilə bağlı dürüst məlumata sahib olmuş olacaq və riski minimallaşdıracaqsınız.

Bəzi heyvansevərlər düşünür ki, “qismətində olan və gözlədiyin pişik özü səni tapacaq”

Bu yanaşma ilə pişik seçiminə böyük önəm verilmir. Küçə pişiyini sahibləndirərərək müəyyən risklərlə qarşılaşa bilərsiz. Siz pişiyinin yaşı, sağlamlığı, genetik özəllikləri barədə məlumatlı olmayacaqsınız. Küçədən götürdüyünüz pişiyi ən tez zamanada baytar həkiminə aparmalısınız. Pişik bütün müayənələrdən keçib, profilaktik müalicə almalıdır (məs., parazitlərərə qarşı). Sahibsiz pişiyi həmçinin heyvan sığınacağından da əldə etmək mümkündür.

Qeyd: Heyvan sığınacaqları pişik yetişdirici mərkəzlərlə səhv salmayın. Sığınacaq müxtəlif cins pişik və itlərə ilkin yardım göstərir və onlar üçün qayğıkeş ailələr tapır. Yetişdirmə mərkəzləri isə peşəkar səviyyədə 1-2 cins növününü yetişdirilməsi ilə məşğuldur. Burada yaşayış şəraiti və pişiklərə qulluq daha yüksək səviyyədədir.

Son zamanlar pişik satışı çoxunuzun bildiyi bir sıra elan saytları və ya sosial şəbəkələr vasitəsilə (instagram, tiktok, facebook və s.) həyata keçirilir. Pişik satışı elanları həddindən artıq çoxdur. Onların arasından etibarlı və məsuliyyətli pişik satıcısını müəyyən etmək çətindir. Bunun üçün aşağıda qeyd olunan məqamlara xüsusi diqqət yetirməyiniz tövsiyə olunur.

Pişik alarkən nəyə diqqət etməli?

Peşəkar pişik yetişdiriciləri pişikləri satarkən gəlirdən əlavə emosional məmnuniyyət əldə edirlər. Ən azından şəxsi söhbət zamanı satdıqları pişiyin taleyi barədə narat olmasını belə hiss edə bilərsiz. Sizə “Ev şəraitiniz pişiyə uyğundurmu?, “Evdə kiçik uşaqlar varmı”, “Sizdə digər heyvanlar varmı?, “Pişiyə hansı yemi verməyə planlayırsız?” tipli suallar verilə bilər. Məsuliyyətli yetişdiricilər bala pişiklərin yemlənməsinə çox ciddi yanaşırlar. Qayğıkeş pişik satıcıları adətən breeders (yetişdiricilər) üçün nəzərdə tutulmuş böyük qablaşdırılmalarda satılan premium pişik yemlərinə üstünlük verirlər. Bu yemlərin tərkibi tam balanslaşdırılmışdır. Bununla da pişiklər lazım olan vitamin və minerallar ilə təmin olunurlar.

Qeyd: Pişik alışı zamanı yetişdirici/satıcı tərəfindən pişiyinizə hansı yemin verilməsini mütləq öyrənin. Yem sizi qanə etməsə də, digər yemə keçid tədrici sxemlə mərhələli olaraq aparılmalıdır. Yəni pişiyi anidən yeni yemə keçirmək olmaz.

Yaxşı yetişdirici heç zaman bala pişiyi 3-4 ayından tez anadan ayırmayacaq. Bala pişik yalnız ana südü ilə tam inkişaf edir. O, 4 ayınadək öz anasından tualet təlimi və özünə qulluq qaydalarını öyrənir. Baha satılan pişiklərin cins əlamətləri və özəllikləri orta hesabla 4 ayında tam formalaşır. Elə bu səbəbdən bir çox satıcılar bala pişiklərin cinssiz olduğunu qizlətmək (gizlətmək) üçün onları vaxtından tez anadan ayırıb satmağa çalışırlar. Bala pişiklərin vaxtından tez satılması həm də yemə qənaət etmək məqsədini daşıyır.

Rəsmi pişik satışı zamanı yetişdirici cinsli pişiyin pasportunu sizə təqdim etməlidir. Orada pişiyin cinsi və ona vurulan peyvəndlər barədə məlumatlar olur. Yetişdirici müəssisənin hər hansı pişik yetişdirməsi üzrə beynəxalq cəmiyyətininin üzvü olması da onun etibarlı mənbə olduğunu bir daha sübut edir.

Pişiyi peşəkar yetişdiricidən alsanız, onun yaşadığı yerin bütün şəraitləri ilə canlı tanış ola bilərsiz. Pişik yırtıcı olaraq qaçmağı, dırmaşmağı, ovlamağı çox sevir. Bunun üçün mərkəzlərdə pişiklər üçün oyun kompleksi və qabiliyyətlərini inkişaf etdirən xüsusi oyuncaqlar da olmalıdır.

Peşəkar satıcılardan alınan pişiklər daha baha olsa da, buna bir çox səbəb var:

• Pişiklər üçün daha geniş ərazi
• Pişiklərin sağlam yemlənməsi
• Pişiklərin təlimi üçün oyuncaqlar
• Baytar müayinələri və müalicə xərcləri
• Pişiklərin cütləşdirilməsi üçün digər pitomniklərdən götürülmüş pişiklər üzrə xərclər. Bunu edərək yetişdiriclər ideal cins nümayəndələrinə sahib olurlar.

Ucuz pişik satışı və fəsadları

Qeyri rəsmi satıcılar tərəfindən pişik satışının bir çox mənfi cəhətləri və fəsadları var:

• Pişiklər və balalar antisanitariya şəraitində saxlanılır. Bu isə parazitlər və virusların sürətlə çoxalmasına səbəb olur.
• Pişiklərin bir sıra səbəblərdən xəstəliklərə məruz qalması. Bura antigigiyena ilə bağlı parazitoz, qohum olan pişiklərin cütləşdirilməsi nəticəsində doğulan pişik balalalarında yaranan genetik anomaliyalar, ucuz pişik yeminin fəsadları, peyvəndlərin vurulmaması, baytar nəzarətinin olmaması və digərləri aiddir.
• Pişiklər çox dar sahədə saxlanılır. Bunun fəsadlarından biri pişiklər arasında infeksiyaların yayılmasıdır. Digər tərəfdən isə pişiklər dar sahədə nə qaça, nə də harasa dırmaşıb öz vəhşi instinktlərini ödəyə bilmirlər. Bu isə onların inkişafdan qalması ilə nəticələnir.
• Bala pişiklərin vaxtından tez anadan ayırması. Bala pişik 3-4 ayınadək anasının yanında qalmalıdır. Bu müddətədək bala pişiyin satışı qəti tövsiyə edilmir.
• Pişiklərdə yaranan psixoloji problemlər. Onların sosiallaşması (insanla ya digər heyvanla münasibət) çox aşağı səviyyədədir. Piş şəraitdə böyüyən pişiklər qorxaq, eyni zamanda çox aqresiv ola bilərlər.

 Tam etibar edə bilmədiyiniz şəxsdən ucuz pişik almaq istədiyiniz halda yuxarıda sadalanan bütün fəsadları yada salın. Bu tip satıcılar pişikləri xoşagəlməz şəraitdə saxlamaqla, onların fiziki və psixoloji vəziyyətlərinə böyük bir ziyan verirlər. Ucuz qiymətə aldanıb, özlərini yetişdiricilər adlandıran qeyri-peşəkarlara müraciət etməyin.

Pişik seçimi qaydaları

Satıcılar və yetişdiricilər barədə kifayət qədər məlumat yığsaz da pişik seçimi zamanı çox diqqətli olmalısınız. Pişik seçərkən bu məqamlara diqqət edin:

-Pişiyin aktiv olması və sizə maraq göstərməsi. Sosiallaşmış pişik insandan qorxmamalıdır.

-Pişiyin tük və dəri vəziyyəti. Seyrək və solğun tüklər, dəri problemləri bir sıra xəstəliklərin simptomudur (avitaminoz, qurd və s.). Pişiyə parazitlərə qarşı xüsusi dərmanların verilib verilməməsini mütləq dəqiqləşdirin.

- Pişiyin göz və qulaqlarına diqqət edin (ifraz olunan maye və irin əlamətləri olmamalıdır).

- Pişiyin quyruğunun altını yoxlayın, nəcis qalıqları adətən həzm problemləri barədə işarə edir.

Bakıda pişik satışı

Zoomağazamızın sevimli müştərilərinin tanıdığı və peşakarlıq səviyyələri ilə razı qaldıqları pişik yetişdiricilərin siyahısı ilə Sizi tanış etmək istərdik.

Qısatüklü britan/inglis (british shorthair) pişiklərin satışı və yetişdirilməsi üzrə mütəxəssislər:

• Olqa Heyvan Yetişdiricisi, Bakı ş. əlaqə nömrəsi: +99451 701 07 40
• Kamilla Heyvan Yetişdiricisi , Bakı ş. əlaqə nömrəsi: +99450 631 82 95
• Liliya Heyvan Yetişdiricisi , Bakı ş. əlaqə nömrəsi: +99450 794 60 50

Əzəmətli meyn kun pişiklərin satışı/yetişdirilməsi üzrə mütəxəssis:

• Tatyana Heyvan Yetişdiricisi , Bakı ş. əlaqə nömrəsi: +99455 699 60 70

Əldə etdiyiniz pişiyinizin yaşından və cinsindən asılı olmayaraq, ona lazım olan bütün pişik məhsulları onlayn zoomağazamızdan əldə edə bilərsiniz. Sifariş edin, həmin gün çatdıraq. 9 AZN və üzəri sifarişlərdə çatdırılma PULSUZDUR.