Bala pişik nə yeyir? – Bala pişiyi yemləmək barədə detallı təlimat

Bala pişik üçün ana pişik südü əvəzolunmazdır. Ana pişik öz balasına süd vasitəsi ilə anticisimlər (MDA) ötürür. Bu anticisimlər bala pişiyin immun sisteminin inkişafı və gücləndirilməsində böyük rol oynayır. Bala pişiyin 8 həftəsinədək ana südü ilə qidalandırılması tövsiyə edilir. Bu periodda ana pişiyin qidalanmasına xüsusi diqqət etməlisiniz. Ananın orqanizminə daxil olan faydalı maddələr əsasında bəsləyici və keyfiyyətli süd əmələ gəlir. Südverən ana pişik üçün nəzərdə tutulmuş hamilə və südverən pişiklər üçün yem seçməlisiniz. Bu yem daha kalorili və bəsləyicidir. Bu yemin tərkibi ana pişiyin orqanizmini tam dəstəkləyir, çünki südverən pişik böyük miqdarda kalsium və digər mikroelementlər itirir.

Anasız bala pişiyin yemlənməsi

Ana pişik psixoloji vəziyyəti ilə bağlı balalarından imtina edərsə və ya doğuş zamanı vəfat edərsə, bala pişiyi bəsləmək sizin üzərinizə düşür. Bu zaman siz təcili olaraq onu əmizdirə biləcək təzəlikcə balalamış südverən ana pişik tapmalısınız. Bunun üçün etibarlı heyvan yetişdiricilərinə müraciət edə bilərsiniz. Lakin ana pişik ögey olduğu üçün bala pişiyi qəbul etməyə də bilər. Bunun qarşısını almaq üçün tapdığınız pişiyin balalarına toxunub, onların spesifik qoxusunu anasız pişik balasına ötürmək lazımdır.

Əgər südverən pişik tapa bilmədinizsə yaxud ana pişik süd verməkdən imtina edərsə, detallı təlimatlarımız ilə yeni doğulmuş bala pişiklərə özünüz də qulluq edə bilərsiniz.

Bala pişiyə süd vermək olar?

Dr. Ricky Walther məqaləsində qeyd olunur ki, bala pişiyə vaxtaşırı zoomağazalarda satılan pişik südü təklif oluna bilər. Lakin bu süd mütəmadi olaraq rasionda olmamalıdır.Bu südü pişik üçün ana südünün əvəzləyicisi (smes) ilə səhv salmayın. Onların tərkibi tam fərqlidir. Digər heyvanların südü də pişik sağlamlığı üçün təhlükəlidir. İnək südünün tərkibində kifayət qədər laktoz və yağlar var. Bu isə ciddi həzm problemlərinə səbəb ola bilər. Keçi südü daha az laktoz ehtiva edir, bununla inək südündən daha asan həzm olunur. Lakin keçi südü də kifayət qədər yağlıdır.

Smes bala pişiyin bütün ehtiyaclarını ödəyərək əsas rasiondur, lakin mağazadan alınan hazır pişik südü və digər heyvan südləri əlavə bir rasiondur.

Bala pişik üçün südəvəzləyicisi (smes)

Bala pişiyiniz üçün təbii ana südü tapa bilmədiyiniz halda köməyinizə bala pişiklər üçün nəzərdə tutulmuş ana südü əvəzləyiciləri gələcək (məsələn, Royal Canin Babycat milk smesi). Ana südü əvəzləyicilərinin mövcud olması bala pişiklərin tələf olma statistikasını xeyli azaldıb.

Bala pişik üçün smesin (südəvəzləyicisi) tərkibi ana pişiyin südünə çox yaxındır və yeni doğulmuş pişiklərin qida ehtiyaclarını maksimal dərəcədə qarşılayır. Əlinizin altında smes olmazsa, pişik balasını düyü suyu ilə yemləyə bilərsiniz. Tərkibindəki nişasta bala pişiyi təcili şəkildə tələb olunan enerji ilə təmin edir.

Qeyd:Cədvəldə ümumiləşdirilmiş yemləmə normaları qeyd olunur. Mütləq süd əvəzləyicisinin qablaşdırılmasında olan yemləmə qaydaları və normaları ilə tanış olun.

Bala pişiyin yemlənmə qaydaları

Balaca dostunuzun yanlış yemlənməsi onun həyatı üçün şox təhlükəlidir. Düzgün yemlənmə qaydalarına bu aspektlər daxildir:

1. Bala pişiyin yemlənməsində gigiyena.
2. Bala pişiyin yemlənməsi qaydaları (poz, butulkanın düzgün saxlanması və s.).
3. Bala pişiyin yemlənmə cədvəlinə (normalarına) ciddi riayət.
4. Düzgün bala pişik üçün yem seçimi

Bala pişiyin yemlənmə gigiyenası

Pişik balaların bəslənməsində sterilizasiya məsələsinə məsuliyyətlə yanaşın. Bala pişiyin yemlənməsi xüsusi şüşəli butulkadan həyata keçirilməlidir. Şüşə materialında bakteriyalar plastikdəki qədər çoxalmır. Süşəli butulkalar daha rahat yuyulur və sterilizasiya olunur. Qatı yemlərə keçdikdən sonra da bala pişiyin yem və su qabını daim yuyub təmizləyin. Bala pişiyiniz yem qabını oyuncaq kimi qəbul edərsə, onun üçün altı sürüşməyən qab növünü seçə bilərsiz.

Qeyd: Bala pişiyin immuniteti ilk həftələrində zəif olur. Bu səbəbdən ona hər yaxınlaşmazdan və üzərində prosedurlar aparılmazdan əvvəl əllərinizi sabunla yuyun.

Bala pişiyin düzgün yemlənmə qaydası

Bir həftəyə qədər bala pişiklərdə öyümə refleksi olmur, buna görə çox diqqətli olun. Bala pişik daha yavaş udmağa başlasa yemləməni dayandırın. Bir az gözləyib yenidən davam edə bilərsiniz. Süşə qabında smesi qalarsa, yemlənməni bir saat sonra təkrarlaya bilərsiniz. Smes qalığı 12 saatadək soyuducuda saxlanıla bilər. Pişik balasının qarnı bərkiyib şişdisə, yemlənməni dayandırın.

 Bala pişiyi məcbur yedirməyin. Ağız boşluğuna böyük həcmdə düşən qida hətta nəfəs yollarına çata bilər. Bu isə pişik balasında ölümcül pnevmoniya xəstəliyi ilə nəticələ bilər. Smes üçün şüşə qabınız olmadıqda bala pişiyi pipet və ya başlıqsız şpris ilə də yemləyə bilərsiniz.

Yemlənmə zamanı bala pişiyin düzgün pozasına da mütləq diqqət edin. Bala pişik körpə uşaqlardan fərqli olaraq bel üstə deyil, qarın üstə uzadılıb yemlənməlidir. Smesi içən zaman burun dəliklərindən ani gələn smes qalığı başlıqsız şpris ilə dərhal geri çəkilməlidir. Çəkilməmiş mayə tənəffüs yollarına düşərək həyatı üçün təhlükə yarada bilər. Bala pişik smesi (südəvəzləyicisini) içərkən butulkası 45 dərəcə bucağla saxlanılmalıdır.

Bala pişik üçün düzgün yem seçimi

3-cü həftədən başlayaraq bala pişiyin kəsici dişləri çıxır. 4 həftəlik bala pişiyi qatı pişik yemi ilə tanış edə bilərsiniz. Südəvəzləyici smes rasionda saxlanılır, lakin az-az hazır yemlə əvəz edilir. Pişik balası hazır yemə heç bir maraq göstərmirsə, onu məcbur etməyin.

Bala pişik üçün yem seçimində premium sinif yemlərə üstünlük verin (Royal Canin, Proplan, Monge, Gemon və s.). Onların tərkibi tam balanslaşdırılır. Həmçinin bu yemlər bala pişiyin özəl ehtiyaclarını (cins növü, dad seçimi, sağlamlıq vəziyyəti və s.) ödəyir. Əlavə qidaya keçidi bala pişiklər üçün nəzərdə tutulmuş yaş yemlər ilə başlamaq olar. Bu nəm pişik yemləri pişiyiniz su ehtiyaclarını ödəyir. Zərif konsistensiyası (paştet, muss) isə güclü çeynəmək qabiliyyətini tələb etmir.

Bala pişiyi 6 həftəsindən başlayaraq pişiklər üçün quru yemlər ilə tanış etmək olar. Quru yemin qranulları çeynəmə əzələləri inkişaf elətdirir, dişlərin üzərində yaranan ərpi təmizləyir. Lakin quru yemlə qidalalan bala pişiyi daim təmiz su ilə təmin etməlisiniz.

Bala pişiyinizi tualetə alışdıranda və ya ona digər düzgün davranışları öyrədəndə pişiklər üçün dadlı atışdırmalar yerinə düşəcəklər. Bu dadlı çərəzlər əsas yem hesab olunmur, ümumi gündəlik kalori ehtiyacının 10%-dək təşkil edə bilər.

Bala pişik təxminən 6 ayından sonra qısırlaşdırılmalıdır. Bu dönəmdə pişik xoşagəlməz cinsi davranışlar göstərir. Bu əməliyyatdan sonra pişik balasının aktivliyi düşür. Bununla belə bala pişik artıq çəki yığmağa meyilli olur. Bundan əlavə pişiklərdə böyrək daşlarının yaranması riskləri də artır.  Bu fəsadların qarşını almaq üçün qısırlaşdırılmış pişiklər üçün yemlərə üz tutun.

Bala pişiyinizin körpəliyindən böyüməsinə qədər lazım olan bütün məhsulları onlayn zoomağazamızdan əldə edə bilərsiniz. Sifariş edin, elə həmin gün çatdıraq. 9 AZN və üzəri sifarişlərdə çatdırılma PULSUZDUR.

        Məqalədə istifadə olunan informasiya mənbələri:

1. T.N.Qolneva “Mənim sevimli bala pişiyim. Necə seçilməli, tərbiyə və qulluq olunmalıdır”.
2. “Svoy doktor” Baytarlıq klinikalar şəbəkəsinin rəsmi veb-saytından məqalə.
3. “Podberi druqa” heyvanlara yardım fondunun rəsmi veb-saytından məqalə.
4. “Can cat drink milk?” Baytar həkimi Dr. Ricky Walther-ın məqaləsi (www.pawlicy.com saytından)