Ru
Siam pişiyi haqqında məlumat
Bu ev pişiyi hər kəs üçün deyil. Siam pişiyi özünəməxsus şəkildə qeyri-adidir. O uşaq kimi oynaya bilər və ya sanki yaxın dostunuz kimi oturub sizinlə dayanmadan "söhbət" edər. Uzun müddət insanlarla yan-yana yaşayan bu qədim cins sadəcə olaraq insansız yaşaya bilməz, ona görə də diqqəti özünə cəlb etməyi çox yaxşı bacarır.
Siam pişiyinin xasiyyəti
Səs-küylü cins, sakit bir ev pişiyi axtaranlar üçün uyğun deyil. Siam pişiyi nümayəndəsini bəyəndinizsə, unutmayın ki, onlar sadəcə miyovlamırlar, bəzən sahibi ilə əsl dialoq qurmağa çalışırlar. Bu pişiklər sevdiyi insana çox bağlanırlar və bütün ev işlərində onu müşayiət edirlər. Pişiyi uzun müddət tək buraxmaq arzuolunmazdır, bu, onun psixikasına mənfi təsir göstərə bilər.
Hər şeyə maraq göstərən bu pişiklər bir dəqiqə belə yerində otura bilmirlər. Onlar daim oynamalı və yeni şeylər kəşf etməlidirlər. Əgər oyuncaqlar və oyun kompleksi ilə pişik üçün maraqlı əyləncə təşkil edə bilmirsinizsə onda o özünə sizin heç də xoşunuza gəlməyəcək bir əyləncə tapacaqdır.
Siam pişiyi uşaqla necə yola getməyi bilir, lakin özünə qarşı diqqətsiz münasibətə dözməyəcəklər. Onlar kiçik uşaqlı ailə üçün tövsiyə edilmir.
Yad insanlara qarşı çox ehityatlıdırlar və yeni insanla tez dostlaşmırlar.
Evdəki digər ev heyvanlarına gəlincə, sevimli sahibinin diqqətini başqa bir heyvanla bölüşmək heç də siama məxsus bir hərəkət deyil. İstisnalar ola bilər, məsələn, ev heyvanları eyni evdə böyüyübsə və ya ikinci pişik də siamdırsa.
Siam pişiyinin fiziki xüsusiyyətləri
- Bədəni
Orta boydur. Bədən quruluşu uzunsov və nazikdir. İncə sümük və əzələ kütləsi bir-birinə uyğundur. Qarnı səliqəlidir. Budları çiyinlərdən daha geniş olmamalıdır.
- Baş və kəlləsi
Baş bədənə mütənasib olaraq orta boydur. Forması paz şəklindədir və burunun ensiz nöqtəsindən qulaqların uclarına qədər daralır. Kəlləsi düzdür. Profildən təpəsi və burnunun ucu düz bir xətt yaradır. Düz burun alnı hamar şəkildə davam edir. Ağzı paz şəklindədir.
- Gözləri
Badamşəkilli və orta boydur, əyri yerləşibdir. Göz rəngi parlaq mavidir.
- Ayaqları
İncə və uzun ayaqları bədənlə mütənasibdir. Arxa ayaqları ön ayaqlarından daha hündür yerləşibdir. Siamların pəncələri kiçik və ovaldır. Ön pəncələrdə beş, arxa pəncələrdə isə dörd barmağı vardır.
- Quyruğu
Uzun nazik quyruğu ucuna doğru daralır.
- Qulaqları
Qeyri-mütənasib olaraq böyükdür və başın paz şəklini təkrarlayır, geniş bir əsası və iti ucları vardır.
- Tükü
Qısa, nazik və parlaqdır. Bədənə sıx yerləşibdir.
Siamların tük baxımı olduqca sadədir. Heyvanın gözəl görünməsi üçün onu həftədə bir və ya iki dəfə xüsusi əlcək ilə darayın.
- Rəngi
Dörd rəngə icazə verilir: sil point, şokolad point, blü point, bənövşəyi point.
Qeyd edək ki, bəzən siamlar rənglərini dəyişə bilər. Bu hal əməliyyatdan sonra baş verə bilər. O zaman yara nahiyəsində çıxan yeni tüklər sonradan ümumi tük tonuna uyğunlaşır. Həmçinin tük tündləşməsi (qaralması) pişiyin yaş dövründən asılıdır. Yaşlanmış pişiklərin tükləri daha tünddür.
Siam pişiyi üçün qulluq və qayğı
- Yemlənməsi
Siam pişiyi incə bir quruluşa sahib olmalıdır, həddindən artıq yemləmə onda piylənməyə və şəkər xəstəliyinin inkişafına səbəb olacaqdır. Yem seçərkən bu heyvanların həssas həzmini də nəzərə almaq lazımdır, buna görə siamlara nəinki yaxşı balanslaşdırılmış, həm də asanlıqla həzm oluna bilən yüksək keyfiyyətli rasion lazımdır. Bütün bu məqamlar yetkin pişiklər üçün Royal Canin Savour Exigent yemində ideal şəkildə nəzərə alınır. Yem habelə siamların sidik sisteminin sağlamlığına diqqət yetirir.
Əgər ev pişiyinin gündəlik rasionuna yeni bir ləzzət əlavə etmək istəyirsinizsə, Britaniya brendi olan “Applaws” un 100% təbii əlavə yemlərini sınayın.
Təbii rasion tərtib edərkən zülalların, yağların, karbohidratların, vitaminlərin və mineralların düzgün nisbətinə riayət etmək vacibdir. Ev pişiyi üçün təbii rasion baytar həkimi ilə birlikdə tərtib edilməlidir. Heyvanı öz süfrənizdən bəsləməyin. Unutmayın ki, yediyimiz qidalar onların tərkibindəki olan duz, şəkər, ədviyyatlar, artıq yağlar səbəbindən ev heyvanları üçün təhlükəli ola bilər.
Təmiz və içməli su ev pişiyi üçün həmişə əlçatan olmalıdır.
- Təlimi
Bu siam pişiklər çox ağıllı və zəkəlıdırlar, onların başlarını aldatmaq elə də asan deyil. Bu pişiklər, demək olar ki, bütün cins pişiklərdə olduğu kimi, yalnız müsbət təlim metodunu qəbul edir, mənfi reaksiyalara və ya qorxutmalara cavab vermirlər. Siam pişiyi sahibinin səsinə çox həssasdır və dərhal duyğularını və narazılığını anlayır. Siam aqressiv insana itaət etməyi dayandıracaq və ona inamını itirəcəkdir. Siyam pişiyi yalnız bəyəndiyi əmrləri yerinə yetirir. Ev heyvanınıza qarşı diqqətli olun və fərasətinizi işə salın: təlim prosesini pişiyin maraqlarına uyğunlaşdırmağa çalışın.
Siam pişiyi ilk növbədə tualet təlimi olunmalı və caynaqyonana öyrədilməlidir. Tualet təliminə pişiyi evə gətirən andan başlayın. Siam pişiyi təbii ehtiyaclarını yanlış yerdə qarşılamağa hazırlaşan kimi, onu tualetinə aparın. Ev pişiyi bu bacarığı mənimsədiyinə qədər prosesi davam edin. Müəyyən bir yerdə caynaqlarını itiləməyə öyrətmək üçün eyni qaydaya əməl edin. Ev heyvanınızı oxşatmağı və dadlı çərəz ilə mükafatlandırmağı unutmayın. Siamlar- çox "danışandırlar", ev heyvanınızı hər gün dinləyərək, onun əhvalını və istəklərini asanlıqla başa düşəcəksiniz.
Unutmayın ki, tərbiyə prosesi səbir və inadkarlıq tələb edir. Əməyinizi yarımçıq qoymayın və nəticə özünü çox gözlətdirməyəcəkdir.
- Sağlamlığı
Siam pişiyi, kifayət qədər sağlam bir cinsdir və lazımi qayğı ilə 20 ilə qədər yaşaya bilər. Ancaq cins pişiklərdə olduğu kimi, bu nümayəndələrdə də bəzi irsi xəstəliklərə rast gəlinir. Bunlara böyrək problemləri və ya süd vəzi xərçəngi ilə nəticə bilən amiloidoz aiddir. Siamlarda yuxarı tənəffüs yollarının problemləri də rast gəlinir, bu səbəbdən onları evdə artıq soyuqdan və yüksək rütubətdən qorumaq lazımdır. Qeyd edək ki, psixoqen alopesiya adlanan xəstəlik siyahıda da yer almışdır. Bu zaman tükün həddsiz dərəcədə siyam pişiyi tərəfindən yalamağı nəticəsində tükün tam tökülməsi baş verir. Bu xəstəlik pişiklərdə sıxıntı, həyəcanlılıq, təklik zamanı baş verir.
