Əsəbləri zəif olan pişik sahibləri ilk dəfə pişiklərinin qusması ilə qarşılaşanda ciddi qorxu hissi keçirə bilərlər. Qusma-mədə məzmunun püskürməsi şəklində orqanizmin reaksiyasıdır. Qusmanın səbəbləri barədə birmənalı cavab almaq çətindir. O səbəbdən ki, qusmanın başlanmasında bir sıra fizioloji və ya patoloji xarakterli faktorların rolu var.

Gəlin birlikdə pişikdə qusmanın səbəblərinə nəzər salaq və gələcəkdə bu problemlə üz-üzə gəlməməyin yollarını müəyyən edək.

Pişik qusmasının səbəbləri

Öncədən qeyd etdiyimiz kimi pişik qusmasının fizioloji və ya patoloji səbəbləri var.

Qusmanın fizioloji səbəbləri:

- uzunmüddətli aclıq

- həddindən artıq yemə, qida rejiminin pozuntusu

- tük topaların yığılması və ya yad cismin orqanizmə düşməsi səbəbindən yaranan bağırsaq keçməzliyi

Qusmanın patoloji səbəbləri:

- mədə bağırsaq sisteminin xəstəlikləri

- mədəaltı vəzin xəstəlikləri

- qaraciyər xəstəlikləri

- zəhərlənmə

- qurdlara yoluxma (helmintoz)

Qeyd olunan səbəblərinə daha ətraflı nəzər salaq.

Uzunmüddət aclıqdan sonra pişikdə qusma

Tibbdə “ac qusma” kimi bir termin mövcuddur. Bu vəziyyətdə pişik ağ köpüklü və ya öd qatışığı ilə mədə məzmunu püskürdür. Buna görə pişiyin uzun zaman ac olmasına imkan verməyin. Əgər tez-tez pişiyinizi tək qoymalı olursuz, pişik üçün avtomatik yem qabı köməyinizə çatacaqdır.

Unutmayın ki, yetkin ev heyvanı gündə в 2 dəfə pişik yemi qəbul etməlidir. Bala pişiklər və hamilə/südverəm pişiklər istisnadır. Onlar günə 5-6 dəfə kiçik porsiya ilə yemlənə bilərlər.

Artıq yeməkdən sonra pişikdə qusma

Bəzi pişiklər artıq yem qəbul etməyə meyilli olur. Amma bu hal çox zaman sahiblərinin diqqətsizliyindən irəli gəlir. Pişik bir neçə səbəbdən normadan artıq yeyə bilər:

Pişik yemi bəsləyici deyil. Bu halda heyvanınızı premium yemə (Məs, Royal Canin pişik yemi) keçirə bilərsiz. Bu növ yemlər tərkibindəki yüksək protein % ilə dostunuza doyumluq hissi və sağlamlıq verəcək.
Qida rejiminin pozulması. İdealta yetkin pişik səhər və axşam yemlənməlidir. Bala pişiklər, hamilə və südverən pişiklər isə daha çox. Uzun zaman ac qalan pişik sonunda verilən yemini tam çeynəmədən acgözlüklə yeyir. Bu isə qusma ilə nəticələnir.

Pişiyinizin rasionunu və qida rejimini tənzimləyək problemi aradan qaldırmış olacaqsınız.

Bağırsaq keçməzliyi səbəbindən pişikdə qusma

Bağırsaq keçməzliyi tük topalarının toplanması səbəbində yarana bilən haldır. Onlarla mübarizə üçün quru otlu çərəzlər, pişiklər üçün xüsusi malt məcunlar, həmçinin tük topaları cıxaran müalicəvi yemlər, tük və dəri sağlamlığı üçün müalicəvi yemlər seçə bilərsiniz. Tük topaların (trixobezoar) yaranma profilaktikası üçün sevimlinizin rasionuna tüklərin tökülməsi əleyhinə pişik üçün vitaminlər daxil edə bilərsiniz.

Qeyd olunan problemin səbəblərindən biri də yad cismin həzm sisteminə düşməsidir. Bu hal həyat üçün çox təhlükəlidir. Bu zaman təcili USM keçirilməsi üçün baytar həkiminizlə əlaqə saxlayın.

Mədə-bağırsaq xəstəlikləri zamanı pişik qusması

Öncə pişiklərdə mədə-bağırsaq xəstəliklərinin növlərini müəyyən edək. Bura qastrit, mədə yarası (xorası), qastroenterit, pankreatit və digər aiddir. Qan əlamətli qusma məcmunu bu zaman qəhvəyi yaxud qara rəngdə ola bilər.

Pişikdə qastrit

Mədə xorası və qastrit-selikli qişasının iltihablaşmasıdır. Bu xəstəliklər qanlı qusma və nəcis, köpmə, mədədə kəskin ağrılar, halsızlıq, anoreksiya və ağızdan pis qoxu kimi simtomlarlar aşkarlanır. Pişiklər üçün aptek (dərmanlar) kateqoriyasının diyetik pişik yemləri bu zaman yağsız və rahat həzm olunan ət, bişmiş tərəvəzlər cəmləşdirməlidir.

Pişikdə qastroenterit

Qastroenterit-mədə-bağırsaq sisteminin selikli qişasında iltihabın əmələ gəlməsidir. Zəif rasion, virus infeksiyaları və bir sıra digər səbəblərdən yaranan bu xəstəlik qusma və ishal kimi əsas simptomlarla təsdiqlənir. Bu səbəbdən qastroenterit ilə mübarizə üçün onun kökünü tapmaq lazımdır. Pişiyinizi bu zaman pişiklər üçün müalicəvi yemlər formalı rasiona keçirə bilərsiniz.

Mədəaltı vəzi ilə problem zamanı pişik qusması

Pişikdə pankreatit

Bu xəstəlikdə qarışıq simptomlara rast gəlinir. Əsas simptom-qusma məcmununda öd qarışımın olmasıdır. Pakreatit xəstəliyi zamanı mədəaltı vəzin ifraz etdiyi fermentlər qida maddələrin həzmi ilə yox, sözügedən orqana toksik təsir etmə prossesi ilə məşğuldur. Baytar konsultasiyasından sonra xüsusi pəhriz (azaldılmış yağ tərkibli) təyin edilir.

Qaraciyər xəstəliyi zamanı pişikdə qusma

Sirroz, xolesistit, hepatit xəstəliklərin əsas simtomları öd qarışımı ilə qusma, tünd sidik, zəiflik, anoreksiya, ağızdan pis qoxudur. Baytar həkimi diaqnozu təsdiqləsə, pişiyinizə rahat həzm olunan zülallar ilə müalicəvi yemlər məsləhət görülə bilər.

Pişik zəhərələnib qusur, nə etməli?

Pişiyin zəhərlənməsi dərman, zəhərli bitkilər, məişət kimyəvi maddələr, zəhərli hevan/həşərat dişləməsi, köhnə qida qəbulu nəticəsində baş verir. Zəhərlənmənin ilk əlamətləri yarandıqda pişiyinizə sorbent (aktivləşdirilmiş kömür, enterosgel, polisorb və s.) dərman verib, pişiyi tez bir zamanda baytar klinikaya çatdırın.

Pişikdə qurd (helmintoz) zamanı qusma

Yarısından çox ev heyvanı helmintozdan (qurdlardan) əziyyət çəkirlər. Bəzən bu invaziyanın əlamətləri çox gizli olur. Qusma da həmçinin əlamətlərdən biridir. İnanmarsız, lakin qusma məcmununda hətta müəyyən miqdarda qurdların özü də ola bilər. Helmintoz həm pişik həm də bütün ailə üzvləri üçün böyük təhlükə daşıyır.

Bu səbəbdən vaxtınta qurdlarla mübarizə və profilaktika (dehelmintoz) üçün kurs şəkilində müalicə almaq vacibdir. Bunun üçün suspenziya, tablet və damcı formasında pişiklər üçün helmintlərə qarşı preparatlar köməyinizə çatacaqlar. Göstərişlərə əsasən dərman qəbulu 14 gündən sonra təkrarlanmalıdır ki, qurd yumurtaları da məhv edilsin.

Pişik qusursa nə etməli?

Yekunda pişiyin qusması zamanı sahibinin nə etməsi barədə tövsiyə vermək istərdik:

Qusmanın rəngi və xarakterinə diqqət edin, çünki bunlar problemin mənbəyi barədə sizə məlumat verir (öd, ağız suyu, köpüklü, qara və ya qəhvəyi).
Həkimin göstərişi olmadan pişiyə qusma əleyhinə dərmanlar verməyin! O zaman vəziyyəti hətta ağırlaşdıra bilərsiz.
Pişiyə sakitlik təmin edin və az-az şpritslə suyunu verin ki, susuzlaşdırma baş verməsin.
Qusmadan bir neçə saat sonra pişiyə yem verməyin.
Göstərişlər almaq üçün baytarla əlaqə saxlayın.
Müayinədən sonra müalicə və rasion korreksiyası barədə göstərişlər veriləcək.

Məqalədə qeyd olunan pişiklər üçün məhsullar qapınızadək pulsuz çatdırılma (9 AZN üzəri alışda) və sərfəli qiymətə bizim onlayn zoomağaza saytından sifariş oluna bilər.

Pişik niyə qusur?